ເອັສຣາ ເອັຟຊີ ຊະນະ ເຍົາວະຊົນແຂວງອຸດອນ 5-1 ກ່ອນເຂົ້າຮ່ວມແຂ່ງຂັນທີ່ບູລີລຳ

ສະໂມສອນ ເອັສຣາ ເອັຟ ຊີ ລົງອຸ່ນເຄື່ອງສາມາດເອົາ ຊະນະເຍົາວະຊົນແຂວງອຸ ດອນ ປະເທດໄທ 5-1 ປະຕູ ໃນທ້າຍເດືອນຕຸລາຜ່ານມານີ້ ເພື່ອກຽມຄວາມພ້ອມຕາງໜ້າໃຫ້ສະໂມສອນລາວ ເຂົ້າຮ່ວມ ການແຂ່ງຂັນ CP-Meiji Cup U-14 International Champions 2017 ທີ່ ແຂວງບູລີລໍາ ປະເທດໄທ ໃນ ກາງເດືອນພະຈິກນີ້ ເຊິ່ງມີ 8 ສະໂມສອນເຂົ້າຮ່ວມ
ທ່ານ ສຸກອາພອນ ວົງ ຈຽງຄໍາ ຄູຝຶກສະໂມສອນ ເອັສຣາ ເອັຟຊີ ໃຫ້ສໍາພາດວ່າ: ພາຍຫລັງສໍາເລັດການແຂ່ງ ຂັນເຕະບານເຍົາວະຊົນຮຸ່ນອາຍຸບໍ່ເກີນ 14 ປີ ທີ່ສະຫະພັນ ບານເຕະແຫ່ງຊາດລາວ (ສຕ ລ)ຈັດຂຶ້ນ ເພື່ອຄັດເລືອກເປັນ ຕົວແທນໃຫ້ກັບສະໂມສອນ ລາວຮ່ວມການແຂ່ງຂັນ CP-Meiji Cup U-14 In ternational Champions 2017 ຈະຈັດຂຶ້ນລະຫວ່າງ ວັນທີ 8-11 ພະຈິກ 2017 ທີ່ ແຂວງບູລີລໍາ ປະເທດໄທ ຫລັງຈາກນັ້ນ ພວກເຮົາກໍໄດ້ ເດີນທາງເຂົ້າຝຶກຊ້ອມຢູ່ປະ ເທດໄທເປັນເວລາອາທິດກວ່າ ແລະ ໄດ້ລົງສະໜາມອຸ່ນເຄື່ອງ ກັບທີມເຍົາວະຊົນແຂວງອຸ ດອນປະເທດໄທ ຜ່ານການລົງ ສະໜາມນັກກິລາຂອງຕົນເອງສາມາດເອົາຊະນະແບບໜ້າພໍໃຈ 5-1 ຈາກການຍິງຂອງ ທ້າວ ອາພິໄຊ ທະນະຂັນຕິ; ທ້າວ ໂຈນີ ແຫວນປະເສີດ, ທ້າວ ເລັກໂຕ ຫລວງອາໄພ, ທ້າວ ພຸດທະລັກ ທອງສະນິດ, ທ້າວ ສະເຫລີມໄຊ ພົມມະວົງ. ຈາກຜົນດັ່ງກ່າວສາມາດສະ ຫລຸບໄດ້ວ່າ ນັກກິລາຂອງຕົນ ເອງມີຄວາມພ້ອມເຕັມທີ່, ທີ່ ຈະເຂົ້າຮ່ວມການແຂ່ງຂັນ ລາຍການດັ່ງກ່າວ ສໍາລັບ ການແຂ່ງຂັນ CP-Meiji Cup U-14 International Champions 2017 ຄັ້ງນີ້ ມີ 8 ສະໂມສອນເຂົ້າຮ່ວມ ແລະ ແບ່ງອອກເປັນ 2 ກຸ່ມຄື: ກຸ່ມ A ແລະ ກຸ່ມ B ຮູບແບບການ ແຂ່ງຂັນແມ່ນຈະແຂ່ງຂັນເພື່ອຄັດເລືອກເອົາພຽງອັນດັບທີ 1 ແລະ ອັນດັບທີ 2 ຂອງກຸ່ມເຂົ້າ ຮອບ 4 ທີມສຸດທ້າຍແລ້ວ ແຂ່ງຂັນຊີງອັນດັບທີ 1 ຂອງ ລາຍການດັ່ງກ່າວ. ຂະນະທີ່ ສະໂມສອນຂອງພວກເຮົາຖືກຈັດຢູ່ໃນກຸ່ມ A ປະກອບມີ ບູລີລໍາ ຢູໄນເຕັດ, JUBILO IWATA ປະເທດຍີ່ປຸ່ນ ແລະ ສະໂມສອນສະໝຸດປຣາການ; ສ່ວນກຸ່ມ B ປະກອບມີ ສະໂມ ສອນ ແບັງຄັອກ ຢູໄນເຕັດ, ພະນົມເປັນຄາວ ປະເທດກໍາ ປູເຈຍ, ຊົນບູລີ ເອັຟຊີ ແລະ ສະ ໂມສອນມາເລເຊຍ.