ລາວ-ໄທ ຮ່ວມກັນພັດທະນາເຄືອຂ່າຍການສ້າງ ແລະ ພັດທະນາກຳລັງຄົນຢ່າງປະສິດທິພາບສູງ

ວັນທີ 15 ກໍລະກົດ 2024, ຢູ່ນະຄອນຫຼວງວຽງຈັນ ສະຖາບັນພັດທະນາສີມືແຮງງານ, ກະຊວງແຮງງານ ແລະ ສະຫວັດດີການສັງຄົມ ສປປ ລາວ ຮ່ວມມືກັບ ໜ່ວຍບໍລິຫານ ແລະ ຈັດການທຶນດ້ານການພັດທະນາກຳລັງຄົນ ແລະ ທຶນດ້ານການພັດທະນາສະຖາບັນອຸດົມສຶກສາການວິໄຈ ແລະ ການສ້າງນະວັດຕະກຳ ແຫ່ງຣາຊອານາຈັກໄທ ໄດ້ເຊັນບົດບັນທຶກຂໍ້ຕົກລົງການຮ່ວມມືທາງດ້ານວິຊາການ, ການສຶກສາ, ການພັດທະນາເຄືອຂ່າຍການສ້າງ ແລະ ພັດທະນາກຳລັງຄົນຢ່າງມີປະສິດທິພາບສູງ, ມີທ່າແຮງ ຕາມຄວາມຕ້ອງການຂອງປະເທດ.

ບົດບັນທຶກຂໍ້ຕົກລົງການຮ່ວມມື ສອງຝ່າຍໄດ້ຄົ້ນຄວ້າ ແລະ ເອກະພາບກັນ ໂດຍໄດ້ແບ່ງຄວາມຮັບຜິດຊອບກັນຢ່າງຊັດເຈນ ຈະໄດ້ຮ່ວມກັນໃນການປະຊາສຳພັນ ຫລື ເຜີຍແຜ່ການດຳເນີນງານຂອງໂຄງການ ແລະ ຜົນງານທີ່ໄດ້ຮັບຈາກການດຳເນີນໂຄງການພາຍໃຕ້ບົດບັນທຶກສະບັບນີ້, ພາກສ່ວນທີ່ດໍາເນີນການໂຄສະນາ ຫລື ເຜີຍແຜ່ຕ້ອງລະບຸຢ່າງຊັດເຈນວ່າທັງສອງຝ່າຍຮ່ວມກັນດໍາເນີນໂຄງການ ແລະ ຜົນງານໄດ້ຮັບທີ່ເກີດຈາກການດໍາເນີນໂຄງການຮ່ວມກັນຂອງທັງສອງຝ່າຍ, ເວັ້ນເສຍແຕ່ຈະມີຂໍ້ຕົກລົງເປັນລາຍລັກອັກສອນເປັນຢ່າງອື່ນ; ກຳມະສິດ ແລະ ຊັບສິນທາງປັນຍາ ຫລື ສິດອື່ນໆຂອງຜົນງານ, ເອກະສານ, ບົດລາຍງານ ຫລື ຂໍ້ມູນທີ່ຝ່າຍໃດຝ່າຍໜຶ່ງນຳມາໃຊ້ເຂົ້າໃນການດຳເນີນໂຄງການພາຍໃຕ້ບັນທຶກຂໍ້ຕົກລົງຄວາມຮ່ວມມືສະບັບນີ້ ເທົ່ານັ້ນ ຈົນກວ່າບົດບັນທຶກຂໍ້ຕົກລົງຄວາມຮ່ວມມືສະບັບນີ້ຈະໝົດກຳນົດດເວລາ ແລະ ມີການປຽ່ນແປງຂອງສອງຝ່າຍ.

ຂໍ້ມູນ: ຂ່າວສານ ຮສສ