ອາເມລິກາເພີ່ມຂວ້ຳບາດ ສປປ ເກົາຫລີ ຖານລະເມີດສິດທິມະນຸດ
ລັດຖະບານວໍຊິງຕັນຂວ້ຳບາດພົນລະເມືອງ ສປປ ເກົາຫລີ 7 ຄົນ ແລະ ໜ່ວຍງານອີກ 3 ແຫ່ງ ຈາກການສະໜັບສະໜູນການລະເມີດສິດທິມະນຸດຕໍ່ຜູ້ລີ້ໄພຊາວ ສປປ ເກົາຫລີ ຢູ່ຕ່າງແດນ.
ສຳນັກຂ່າວຕ່າງປະເທດລາຍງານຈາກນະຄອນຫລວງວໍຊິງຕັນ ປະເທດສະຫະລັດອາເມລິກາ ໃນວັນທີ 27 ຕຸລາວ່າ: ກະຊວງການເງິນອາເມລິກາອອກຖະແຫລງການໃນວັນທີ 26 ຕຸລາ ຂຶ້ນບັນຊີດຳພົນລະເມືອງ ສປປ ເກົາຫລີ 7 ຄົນ ໃນຈຳນວນນີ້ລວມທັງທ່ານ ກູຊູຊອບ ກົງສຸນໃຫຍ່ສປປ ເກົາຫລີ ປະຈຳເມືອງເສິນຢາງ ແຂວງຫລຽວໜິງ ທາງຕາເວັນອອກສຽງເໜືອຂອງຈີນ ແລະ ທ່ານ ກິມມິນຊໍ ເຈົ້າໜ້າທີ່ປະຈຳສະຖານເອກອັກຄະລັດຖະທູດ ສປປ ເກົາຫລີ ຢູ່ນະຄອນຫລວງຮ່າໂນ້ຍ ເນື່ອງຈາກບຸກຄົນທັງສອງມີສ່ວນຮ່ວມໃນຂະບວນການບັງຄັບສົ່ງກັບຜູ້ລີ້ໄພຊາວ ສປປ ເກົາຫລີ ຢູ່ຕ່າງປະເທດ.
▪ TARGETED SANCTIONS
U.S. takes aim at North Korea's human rights abuses with #blacklist#US #NorthKorea pic.twitter.com/S0A3LdBnwn
— Arirang News (@arirangtvnews) October 27, 2017
ນອກຈາກນີ້, ລັດຖະບານວໍຊິງຕັນຍັງເພີ່ມຊື່ນິຕິບຸກຄົນສັນຊາດ ສປປ ເກົາຫລີ ອີກ 3 ແຫ່ງ ຂໍ້ຫາ “ສະໜັບສະໜູນການລະເມີດສິດທິມະນຸດ” ໄດ້ແກ່ ສູນບັນຊາການຄວາມໝັ້ນຄົງປ້ອງກັນປະເທດ ແລະ ສຳນັກງານການກໍ່ສ້າງພາຍນອກ ແລະ ບໍລິສັດກໍ່ສ້າງຕ່າງປະເທດ ໂດຍໜ່ວຍງານທັງສາມແຫ່ງມີສຳນັກງານຢູ່ຫລາຍປະເທດເຂດຕາເວັນອອກກາງ.
