ກອງທັງທີມຊດແຊ໊ມສາຍ ກ ເລັ່ງເປົ້າທີ່ງານກິລາແຫ່ງຊາດ 2018
ພາຍຫລັງທີ່ກອງທັບ ເອັຟຊີ ສ້າງຜົນງານຢ່າງໂດດ ເດັ່ນດ້ວຍການຊະນະ 14 ນັດ ແລະ ເສຍພຽງ 1 ນັດ ໄດ້ແຊ໊ມ ບານເຕະສາຍ ກ ປະຈໍາປີ 2017 ໄປຄອງ ເມື່ອທ້າຍອາ ທິດ ທີ່ຜ່ານມາ ທີມດັ່ງກ່າວກໍ ເລັ່ງປັບປຸງຈຸດອ່ອນຂອງທີມ ໃຫ້ແຂງແກ່ນຂຶ້ນ ເພື່ອກະກຽມ ລ່າແຊ໊ມໃນງານມະຫາກໍາກິ ລາແຫ່ງຊາດ ຄັ້ງທີ 11 ທີ່ ແຂວງຊຽງຂວາງ ເປັນເຈົ້າ ພາບ ໃນທ້າຍປີ 2018.
ທ່ານ ໄກສອນ ໄຊຍະວົງ ຫົວໜ້າຄູຝຶກຂອງກອງທັບ ໃຫ້ສໍາພາດກັບທີມງານຂອງ ພວກເຮົາວ່າ: ການກຽມທີມ ຂອງກອງທັບ ໃນການເຂົ້າ ຮ່ວມບານເຕະສາຍ ກ ຖືວ່າ ເປັນໄລຍະສັ້ນ ແຕ່ດ້ວຍສັກກະ ຍະພາບຂອງທີມພວກເຮົາມີ ລຸ້ນເຍົາວະຊົນ ແລະ ຄວາມ ອົດທົນພະຍາຍາມຂອງລູກ ທີມ ລວມທັງໄດ້ດືງເອົາທັງນັກ ເຕະເກົ່າປະສົມກັບໃໝ່ ຈົນສາ ມາດຍາດໄດ້ແຊັມລາຍການ ດັ່ງກ່າວໄດ້ສໍາເລັດ. ຢ່າງໃດ ກໍຕາມ, ຫລັງຈົບການແຂ່ງຂັນ ລາຍການດັ່ງກ່າວສາມາດ ເປັນພື້ນຖານຂອງບານເຕະ ລາວ ເພາະຈະເປັນຕົວເສີມ ໃຫ້ກັບ ລາວພຣີເມຍລີກ ໂດຍ ສະແດງອອກຫລາຍສະໂມ ສອນ ໄດ້ສ້າງນັກເຕະລຸ້ນນ້ອຍ ຂຶ້ນມາ ແລະ ສາມາດແຈ້ງ ເກີດໄດ້ຫລາຍໆຄົນ. ສໍາລັບ ນັກກິລາຊຸດນີ້ ເປົ້າໝາຍຂອງ ພວກເຮົາກໍແມ່ນເລັ່ງໃສ່ງານກິລາແຫ່ງຊາດ ຄັ້ງທີ 11 ທີ່ ແຂວງຊຽງຂວາງ ເຖິງວ່າ ພວກເຮົາຍັງມີຫລາຍບັນຫາ ຫຍຸ້ງຍາກຢູ່ເຊັ່ນວ່າ ການຝຶກ ຊ້ອມ ແລະ ນັກກິລາກໍຍັງຂາດ ປະສົບການ. ຢ່າງໃດກໍຕາມ, ຈາກລາຍການນີ້ພວກເຮົາສາມາດຄັດໄດ້ນັກກິລາເດັ່ນໆ ຫລາຍຄົນ ແລະ ຈະສືບຕໍ່ຝຶກ ຊ້ອມ ແລະ ເສີມມີຄວາມແຂງ ແກ່ນ ເພື່ອລຸຍການແຂ່ງຂັນ ບານເຕະ ໃນກິລາແຫ່ງຊາດ ທ້າຍປີໜ້າ, ສ່ວນການເຂົ້າ ຮ່ວມລາວພຣີເມຍລີກ 2018 ແມ່ນຕ້ອງອີງໃສ່ກະຊວງວ່າ ເພິ່ນຈະຕອບຮັບເຂົ້າຮ່ວມຄື ແນວໃດ ເພາະພວກເຮົາໃນຖາ ນະແຊັມສາຍ ກ ເມື່ອຈະໄດ້ ເລື່ອນຊັ້ນໄປຫລິ້ນໃນລີກສູງ ສຸດຂອງ ສປປ ລາວ.
ຜົນງານໃນກິລາບານ ເຕະປະຈໍາງານມະຫາກໍາກິລາແຫ່ງຊາດ ຄັ້ງທີ 10 ທີ່ແຂວງ ອຸດົມໄຊ ປີ 2014 ທີ່ຜ່ານມາ ກອງທັບ ເຮັດໄດ້ພຽງເຂົ້າ ຮອບ 8 ທີມສຸດທ້າຍ ກ່ອນຕົກ ຮອບໄປ. ຂະນະທີ່ ທີມແຊ໊ມ ເປັນຂອງ ແຂວງຄໍາມ່ວນ ທີ່ເອົາຊະນະ ແຂວງສະຫວັນ ນະເຂດ 5-2 ແລະ ອັນດັບ 3 ເປັນຂອງອັດຕະປື ທີ່ຊະນະ ນະຄອນຫລວງວຽງຈັນ 2-1, ເຊິ່ງຕ້ອງຕິດຕາມເບິ່ງວ່າກີລາແຫ່ງຊາດ 2018 ກອງທັບຊຸດ ແຊ໊ມບານເຕະສາຍ ກ ຈະດີພໍ ທີ່ຈະເປັນແຊ໊ມບານເຕະໃນ ງານກິລາແຫ່ງຊາດ ໃນປີ 2018 ໄດ້ ຫລື ບໍ່?
