ກວດພົບຮ້ານອາຫານ-ຮ້ານບັນເທີງ ເປີດບໍລິການກາຍເວລາ ແລະ ເປີດສຽງເພງດັງເກີນຂອບເຂດ 1 ຮ້ານ

ວັນທີ 22 ພຶດສະພາ 2024, ຄະນະຮັບຜິດຊອບຕິດຕາມ ກວດກາ ແລະ ແກ້ໄຂສຽງເນືອງນັນໃນທຸລະກິດຮ້ານອາຫານ ແລະ ຮ້ານບັນເທີງຢູ່ນະຄອນຫລວງວຽງຈັນ (ນວ) ຈຸທີ 4 ເຊິ່ງມີຂອບເຂດຮັບຜິດຊອບ 3 ເມືອງ ຄື: ສີໂຄດຕະບອງ, ນາຊາຍທອງ ແລະ ສັງທອງ ນໍາໂດຍທ່ານ ເສກສັນຕິ ສຸມຸນທາ ຫົວໜ້າຂະແໜງທ່ອງທ່ຽວ ພະແນກຖະແຫລງຂ່າວ ວັດທະນະທໍາ ແລະ ທ່ອງທ່ຽວ ນວ ພ້ອມຄະນະລົງເຄື່ອນໄຫວຕິດຕາມ, ກວດກາສະພາບຕົວຈິງຢູ່ຮ້ານອາຫານ ແລະ ຮ້ານບັນເທີງ ເມືອງສັງທອງ.

ຜ່ານການກວດກາ ຮ້ານອາຫານ-ບັນເທີງ 3 ຮ້ານ ພົບ ຮ້ານອາຫານວ໋ອດແອ໋ບ ເປີດບໍລິການກາຍເວລາ ແລະ ເປີດສຽງເພງດັງເກີນຂອບເຂດ, ດັ່ງນັ້ນຄະນະຮັບຜິດຊອບຈຶ່ງໄດ້ເຮັດບົດບັນທຶກກ່າວເຕືອນ ພ້ອມທັງໄດ້ອອກໜັງສືເຊີນໃຫ້ເຈົ້າຂອງທຸລະກິດ ໄປສຶກສາອົບຮົມ ແລະ ເສຍຄ່າປັບໄໝຢູ່ກອງບັນຊາການ ປກສ ນວ.
ຂໍ້ມູນ: ວຽງຈັນໃໝ່