ຈີນຂະຫຍາຍເວລາເຕືອນໄພພາຍຸຝົນລະດັບສີຟ້າໃນຫລາຍພື້ນທີ່ທົ່ວປະເທດ

     ກົມອຸຕຸນິຍົມວິທະຍາແຫ່ງຊາດຂອງຈີນ (National Meteorological Center) ປະກາດຂະຫຍາຍເວລາເຕືອນໄພພາຍຸຝົນລະດັບສີຟ້າໃນວັນທີ 24 ເມສາ ເນື່ອງຈາກຄາດວ່າຈະມີຝົນຕົກໜັກໃນຫລາຍພື້ນທີ່ຂອງປະເທດ.

     ກົມອຸຕຸນິຍົມວິທະຍາແຫ່ງຊາດຂອງຈີນພະຍາກອນວ່າ: ນັບແຕ່ຕອນທ່ຽງວັນທີ 24 ເມສາ ຫາ ຕອນທ່ຽງວັນທີ 25 ເມສາ ຈະມີຝົນຕົກໜັກໃນຫລາຍພື້ນທີ່ຂອງມົນທົນກຸ້ຍໂຈ, ຫູໜານ, ຈຽງຊີ, ກວາງຊີ ແລະ ກວາງຕຸ້ງ ໂດຍບາງພື້ນທີ່ອາດມີປະລິມານນໍ້າຝົນສູງສຸດຕໍ່ຊົ່ວໂມງຫລາຍກວ່າ 60 ມິນລີແມັດ ພ້ອມພາຍຸຝົນຟ້າຄະນອງ ແລະ ລົມພັດແຮງ.

      ລັດຖະບານທ້ອງຖິ່ນໄດ້ຮັບການແຈ້ງເຕືອນໃຫ້ກຽມພ້ອມຮັບມືຕໍ່ສະຖານະການ. ຂະນະທີ່ໂຮງຮຽນຕ້ອງເບິ່ງແຍງຄວາມປອດໄພຂອງເດັກນ້ອຍນັກຮຽນ ແລະ ຜູ້ຂັບຂີ່ລົດໄດ້ຮັບຄໍາແນະນໍາໃຫ້ໃຊ້ຄວາມລະມັດລະວັງ ເນື່ອງຈາກອາດມີນໍ້າຂັງຕາມຖະໜົນ ແລະ ການຈະລາຈອນຕິດຂັດ.

      ສໍານັກຂ່າວຊິນຮົວລາຍງານວ່າ: ຈີນມີລະບົບເຕືອນໄພສະພາບອາກາດ 4 ລະດັບ ໂດຍສີແດງເປັນລະດັບເຕືອນໄພຂັ້ນຮ້າຍແຮງທີ່ສຸດ, ຮອງລົງມາຄືສີສົ້ມ, ສີເຫລືອງ ແລະ ສີຟ້າ ຕາມລໍາດັບ.