ເມືອງຈັນທະບູລີ ຊະນະ ກອງທັບ 2-1 ເຕະບານສາຍ ກ

ກ່ອນໜ້ານີ້ ສະໂມສອນ ກອງທັບ ເອັຟຊີ ໄດ້ສ້າງສະ ຖິຕິສູງສຸດ ລົງສະໜາມ 12 ນັດ ສະກົດຄໍາວ່າສະເໝີ ແລະ ເສຍບໍ່ເປັນ ເມື່ອຊະນະລວດ ໃນຮອບແບ່ງກຸ່ມ 6 ຄັ້ງ ແລະ ຮອບ 8 ທີມສຸດທ້າຍ 6 ຄັ້ງ ຜ່ານເຂົ້າຮອບຮອງຊະເລີດ ໃນຖານະແຊ໊ມກຸ່ມ B ເສຍໃຫ້ ກັບສະໂມສອນ ເມືອງຈັນທະ ບູລີ ຮອງແຊ໊ມກຸ່ມ A 2-1 ປະ ຕູ ໃນວັນທີ 14 ຕຸລານີ້ ຜ່ານ ມາ ທີ່ເດີ່ນບານເຕະຫຍ້າທຽມ ຂອງສະຫະພັນບານເຕະແຫ່ງຊາດລາວ ( ສຕລ ).
ການແຂ່ງຂັນໃນເຄິ່ງເວລາທໍາອິດປາກົດວ່າ: ກອງທັບ ເອັຟຊີ ໄດ້ປະຕູຂຶ້ນນໍາ 1-0 ໃນ ນາທີ 22 ຈາກການຍິງຂອງ ທ້າວ ສຸລິຍາ ສີພະໄຊ ກ່ອນທີ່ ໄວຍາ ສີສົງຄາມ ຈະມາຍິງ ປະຕີສະເໝີໃຫ້ກັບ ເມືອງຈັນ ທະບູລີ ນາທີ 39 ກ່ອນຈົບເຄິ່ງ ເວລາທໍາອິດໄປສະເໝີກັນ 1-1 ປະຕູ.
ໃນເຄິ່ງເວລາທີ 2 ທໍາທ່າ ວ່າເກມຈະຈົບທີ່ຜົນສະເໝີກັນ ແຕ່ນາທີ 85 ທ້າວ ບຸນປະເສີດ ເຄນກິດຕິສັກ ສາມາດຍິງປະ ຕູໄຊໃຫ້ກັບ ເມືອງຈັນທະບູລີ ຊະນະໄປ 2-1 ປະຕູ ເກັບໄຊ ຄັ້ງທໍາອິດໃນຮອບຮອງຊະນະເລີດ ຕ້ອງໄປຫວັງຜົນຕັດສິນ ໃນນັດທີ 2.
ສ່ວນວັນທີ 15 ຕຸລາ ຜ່ານມາ ສະໂມສອນທິບສະ ຫວັນ ເອັຟຊີ ສະເໝີ ສະໂມ ສອນ ນະຄອນຫລວງ ຢູໄນ ເຕັດ 2-2 ປະຕູ. ສໍາລັບ 4 ສະ ໂມສອນສາມາດເຂົ້າຮອບ ຮອງຊະນະເລີດປະກອບມີ ສະໂມສອນ ນະຄອນຫລວງ ຢູໄນເຕັດ ອັນດັບ 1 ກຸ່ມ A, ເມືອງ ຈັນທະບູລີ ຊິຕີ ເອັຟຊີ ອັນດັບ 2 ກຸ່ມ A, ກອງທັບ ເອັຟຊີ ອັນດັບ 1 ກຸ່ມ B ແລະ ສະໂມສອນ ທິບ ສະຫວັນ ເອັຟ ຊີ ອັນດັບ 2 ກຸ່ມ B.
ສຳລັບນັດທີ 2 ຈະລົງ ແຂ່ງຂັນ 18 ຕຸລາ 2017 ເວ ລາ 17:30 ໂມງ ຈັນທະບູລີ ຊິຕີ້ ພົບ ກອງທັບ ເພື່ອຫວັງວ່າ ທີມໃດຈະຜ່ານເຂົ້າຮອບຊີງ ຊະນະເລີດ.