ປັບປຸງໂຄງລ່າງພື້ນຖານການທ່ອງທ່ຽວ 2 ເມືອງ ແຂວງ ຫລວງພະບາງ

ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ເຊິ່ງເປັນເຈົ້າຂອງໂຄງ ການປັບປຸງໂຄງລ່າງພື້ນຖານ ແລະ ສິ່ງອຳນວຍຄວາມສະດວກ ທີ່ຕິດພັນກັບການທ່ອງທ່ຽວຢູ່ ເມືອງປາກອູ ແລະ ເມືອງຈອມ ເພັດ ແຂວງຫລວງພະບາງ ໄດ້ ເຊັນສັນຍາກັບ 3 ບໍລິສັດຮັບເໝົາ ກໍ່ສ້າງຄື: ລັດວິສາຫະກິດກໍ່ສ້າງ ທາງເລກ 8, ບໍລິສັດ ພູໂຂງກໍ່ສ້າງ ຈຳກັດ ແລະ ບໍລິສັດຕາຍເຈື່ອງ ເຊີນກໍ່ສ້າງຈຳກັດ ເພື່ອກໍ່ສ້າງໂຄງ ການດັ່ງກ່າວ ແລະ ພິທີເຊັນສັນ ຍາໄດ້ຈັດຂຶ້ນໃນວັນທີ 11 ຕຸລາ ຜ່ານມານີ້, ທີ່ໂຮງແຮມລາວພຣາ ຊານະຄອນຫລວງ ວຽງຈັນລະຫວ່າງ ທ່ານ ສູນ ມະນີວົງ ຫົວ ໜ້າກົມໂຄສະນາການທ່ອງທ່ຽວ ກະຊວງ ຖວທ ແລະ ທ່ານ ພູໂຂງ ບໍລິບູນ ອຳນວຍການບໍລິສັດ ພູໂຂງກໍ່ສ້າງຈຳກັດ, ໂດຍການ ເຂົ້າຮ່ວມຂອງ ທ່ານ ສະຫວັນ ຄອນ ຣາຊມຸນຕຣີ ຮອງລັດຖະ ມົນຕີກະຊວງ ຖວທ ແລະ ພາກ ສ່ວນກ່ຽວຂ້ອງຕ່າງໆເຂົ້າຮ່ວມ.

+ ລາວຈະຈັດຫຼາຍກິດຈະກໍາຕ້ອນຮັບປີທ່ອງທ່ຽວ 2018

+ ທ້າຍປີນີ້ ຄາດວ່າມີນັກທ່ອງທ່ຽວເຂົ້າທ່ຽວແຂວງໄຊຍະບູລີເພີ່ມຂຶ້ນ

ທັງ 2 ໂຄງການແມ່ນທຶນ ກູ້ຢືມຈາກທະນາຄານພັດທະນາ ອາຊີ (ADB) ລວມມີມູນຄ່າ ທັງໝົດ 4,5 ລ້ານກວ່າໂດລາ ສະຫະລັດ ຫລື ປະມານ 36 ຕື້ ກວ່າ ກີບ ໂດຍຈະມີໄລຍະເວລາ ກໍ່ສ້າງ18 ເດືອນໜ້າວຽກສຳ ຄັນຄື: ສຳລັບຢູ່ເມືອງ ຈອມເພັດ ແມ່ນປັບປຸງທ່າເຮືອບັກ(ຝັ່ງ ຊຽງແມນ) ດ້ວຍເບຕົງເສີມ ເຫລັກທີ່ມີໜ້າທາງລົດແລ່ນ ຂຶ້ນ- ລົງກວ້າງແຕ່ 6 -10 ແມັດ, ພ້ອມທັງມີລະບົບລະບາຍ ນ້ຳ, ລະບົບປ້ອງກັນຕາຝັ່ງເຈື່ອນ ແລະ ຂັ້ນໄດຂຶ້ນ-ລົງສຳລັບນັກ ທ່ອງທ່ຽວທີ່ມານຳເຮືອຈັກ ນ້ອຍ, ຍົກລະດັບເສັ້ນທາງໃນ ບ້ານ ຊຽງແມນໃຫ້ເປັນທາງ ປູຢາງສອງຊັ້ນທີ່ມີຄວາມ ກວ້າງຂອງໜ້າທາງລົດ 5 ແມັດ, ຍົກລະດັບເສັ້ນທາງບ້ານ ຈ່ານເໜືອໃຫ້ເປັນທາງປູຫີນ ແຮ່ ທີ່ມີຄວາມກວ້າງ 5 ແມັດ, ກໍ່ສ້າງທາງຍ່າງຈາກວັດຈອມ ເພັດ – ວັດຫາດສ້ຽວປູດ້ວຍຫີນ ຂົບປະສົມຊີມັງ ແລະ ກໍ່ສອງ ຂອບຂ້າງ ດ້ວຍດິນຈີ່, ພ້ອມຕິດ ຕັ້ງລະບົບໄຟຟ້າເຍືອງທາງກໍ່ ສ້າງສິ່ງອຳນວຍຄວາມສະ ດວກຕ່າງໆ ສຳລັບການທ່ອງ ທ່ຽວເຊັ່ນ: ເດີ່ນຈອດລົດ, ຫ້ອງ ນ້ຳສາທາລະນະ, ອາຄານຕະ ຫລາດ, ອາຄານສູນສະແດງ ເຄື່ອງປັ້ນດິນເຜົາ, ສູນສາທິດ ການຜະລິດເຄື່ອງປັ້ນດິນເຜົາ, ສູນຂໍ້ມູນຂ່າວສານທ່ອງທ່ຽວ ແລະ ອື່ນໆ. ສ່ວນຢູ່ເມືອງ ປາກ ອູແມ່ນຍົກລະດັບທາງເຂົ້າບ້ານ ປາກອູຈາກທາງດິນແດງເປັນ ທາງປູຢາງ ສອງຊັ້ນກວ້າງ 5 ແມັດ ແລະ ບ່າທາງປູຢາງກວ້າງ ເບື້ອງລະ 0,5 ແມັດກໍ່ສ້າງຮ່ອງ ລະບາຍນ້ຳຂ້າງທາງ, ປັບປຸງ ທາງຊອຍຄົນຍ່າງ ແລະ ຍົກລະ ດັບທາງຊອຍໃນບ້ານປາກອູເປັນ ທາງປູຢາງສອງຊັ້ນກວ້າງ 3 ແມັດ, ພ້ອມກໍ່ສ້າງສິ່ງອຳນວຍ ຄວາມສະດວກຕ່າງໆ ສຳລັບ ການທ່ອງທ່ຽວ ເຊັ່ນ: ເດີ່ນຈອດ ລົດ, ຫ້ອງນ້ຳສາທາລະນະ, ລະບົບໄຟຟ້າແສງສະຫວ່າງ, ບ່ອນ ຈອດເຮືອທຽບທ່າສຳລັບນັກ ທ່ອງທ່ຽວຂຶ້ນ-ລົງ ແລະ ບ່ອນ ເກັບປີ້ເຂົ້າຊົມຖ້ຳຕິ່ງ, ຕິດຕັ້ງລະ ບົບຕາຂ່າຍໄຟຟ້າ ແລະ ປັບປຸງ ລະບົບໄຟຟ້າແສງສະຫວ່າງໃນຖ້ຳຕິ່ງ.