ວູຊູກຽມສົ່ງນັກກິລາເຂົ້າຮ່ວມຝຶປຊ້ອມທີ່ປະເທດຈີນ ທ້າຍປີນີ້

ສະຫະພັນກິລາວູຊູແຫ່ງ ຊາດລາວ ກຽມສົ່ງນັກກິລາ ຈໍານວນ 4 ຄົນເຂົ້າຮ່ວມຝຶກ ຊ້ອມທີ່ປະເທດຈີນໃນທ້າຍປີນີ້ເພື່ອນໍາເອົາຄວາມຮູ້, ຄວາມ ສາມາດກັບມາພັດທະນາວົງ ການກິລາລາວເວົ້າລວມ ເວົ້າ ສະເພາະສະຫະພັນວູຊູໃຫ້ມີ ການພັດທະນາຂຶ້ນເລື້ອຍໆ ພ້ອມທັງກຽມສົ່ງເຂົ້າຮ່ວມ ການແຂ່ງຂັນໃນລາຍການ ຕ່າງໆລະດັບພາກພື້ນ ແລະ ສາກົນ.
ຕາມການໃຫ້ສໍາພາດ ຂອງທ່ານ ສີທາ ຈູຢາປະເສີດ ເລຂາສະຫະພັນກິລາວູຊູແຫ່ງຊາດວ່າ: ພາຍຫລັງສໍາເລັດ ການເຂົ້າຮ່ວມແຂ່ງຂັນມະຫະກໍາຊີເກມຄັ້ງທີ 29 ທີ່ປະເທດ ມາເລເຊຍເປັນເຈົ້າພາບຈັດ ທ້າຍເດືອນສິງຫາຜ່ານມານີ້ ທາງສະຫະພັນຂອງພວກເຮົາກໍໄດ້ປຶກສາຫາລືກັນວ່າຈະ ເຮັດແນວໃດຈຶ່ງຈະພັດທະນາວົງການກິລາວູຊູໃຫ້ທຽບເທົ່າກັບນັກກິລາພາກພື້ນ ແລະ ສາກົນ. ເຖິງວ່າກິລາປະເພດນີ້ ໄລຍະຜ່ານມາເຂົ້າຮ່ວມການແຂ່ງຂັນລາຍການຕ່າງໆສາ ມາດສ້າງຜົນງານດີເດັ່ນ ຫລາຍຄັ້ງກໍຕາມແຕ່ຍ້ອນນັກກິລາປະເທດຕ່າງໆເຂົາເຈົ້າ ໄດ້ພັດທະນາຂຶ້ນເລື້ອຍໆຈຶ່ງ ເຮັດໃຫ້ກິລາລາວບໍ່ສາມາດມີບົດບາດດີເດັ່ນ ແລະ ເຂົ້າຮ່ວມ ລາຍການຜ່ານມາກໍບໍ່ສາມາດຍາດໄດ້ຫລຽນເປັນຕົ້ນ ມະຫະ ກໍາຊີເກມຄັ້ງທີ 29 ຜ່ານມາບໍ່ ສາມາດສ້າງຜົນງານດີເດັ່ນ. ດັ່ງນັ້ນ, ທາງສະຫະພັນຂອງ ພວກເຮົາຈຶ່ງໄດ້ຕົກລົງສົ່ງນັກກິລາຈໍານວນ 4 ຄົນເຂົ້າຮ່ວມ ຝຶກຊ້ອມທີ່ເມືອງຊ່າງໂຈ້ ແຂວງ ເຮີເປີ້ຍ ປະເທດຈີນ ເປັນເວລາ 1 ອາທິດເພື່ອແລກ ປ່ຽນບົດຮຽນ ແລະ ຮຽນຮູ້ ຈາກອາຈານທີ່ມີປະສົບການ ພ້ອມທັງເປັນຕົ້ນແບບຂອງກິ ລາວູຊູມາຖ່າຍທອດວິຊາ ຄວາມຮູ້ໃຫ້. ສ່ວນຈຸດປະສົງ ຫລັກການແລກປ່ຽນຄັ້ງນີ້ ແມ່ນພັດທະນາແນວຄວາມ ຄິດຂອງເຂົາເຈົ້າໃຫ້ກວ້າງໄກຂຶ້ນຕື່ມ, ເພື່ອໃຫ້ມີທັກສະ, ລີລາ ຕ່າງໆຖືກຕ້ອງກັບກົດກະຕິກາໃນການແຂ່ງຂັນລະດັບສາກົນວາງອອກ ພ້ອມທັງເຮັດໃຫ້ ນັກກິລາໄດ້ຝຶກຊ້ອມເອົາທັກ ສະຕ່າງໆເພື່ອນໍາມາໜູນໃຊ້ ໃນການຝຶກຊ້ອມຢູ່ ສປປ ລາວ ນອກຈາກນັ້ນ, ຍັງຈະເປັນ ການນໍາເອົາບົດຮຽນມາຖ່າຍທອດຄວາມຮູ້ໃຫ້ກັບນັກກິລາລຸ້ນນ້ອງໆ.
ສໍາລັບການເຂົ້າຮ່ວມ ແລກປ່ຽນຝຶກຊ້ອມຄັ້ງນີ້ປະ ກອບມີນາງ ປຸກກີ ເຂົ້າຮ່ວມ ຝຶກລາຍການໄທເກັກ, ນາງ ປາ ໄຍເຮີ ເຂົ້າຮ່ວມຝຶກລາຍ ການຟ້ອນກະບອງ, ທ້າວ ເຕ້ຍ ມົວ ເຂົ້າຮ່ວມຝຶກຊ້ອມລາຍ ການຟ້ອນດາບ ແລະ ທ້າວ ເອກະລັກ ເຂົ້າຮ່ວມຝຶກຊ້ອມ ລາຍການຟ້ອນ.