ເລີ່ມຕົ້ນປະຕິບັດສຳຫຼວດປະຊາກອນ ແລະ ເຮືອນຢູ່ໃນທົ່ວປະເທດ ຫວຽດນາມ

ຂ່າວຈາກວິທະຍຸຫວຽດນາມລາຍງານວ່າ: ໃນເດືອນ ເມສາ 2024ນີ້, ກົມໃຫ່ຍສະຖິຕິ (ກະຊວງແຜນການ ແລະ ການລົງທຶນ ຫວຽດນາມ) ປະຕິບັດການເກັບກຳຂໍ້ມູນ ການສຳຫຼວດປະຊາກອນ ແລະ ເຮືອນຢູ່ກາງສະໄໝ ຢູ່ 63 ແຂວງ, ນະຄອນໃນຂອບເຂດທົ່ວປະເທດ ຫວຽດນາມ.

ການກວດກາແນໃສເກັບກຳຂໍ້ມູນ ກ່ຽວກັບປະຊາກອນ ແລະ ເຮືອນຢູ່, ເພື່ອເປັນພື້ນຖານ ໃນການຕີລາຄາສະພາບການປະຕິບັດແຜນການພັດທະນາເສດຖະກິດ – ສັງຄົມໄລຍະແຕ່ປີ 2021- 2025; ສ້າງນະໂຍບາຍ, ຂື້ນແຜນປະຊາກອນ ແລະ ເຮືອນຢູ່ຮັບໃຊ້ໃຫ້ການຂື້ນແຜນພັດທະນາເສດຖະກິດ-ສັງຄົມໄລຍະ 2026-2030; ຕິດຕາມກວດກາການປະຕິບັດ ບັນດາເປົ້າໝາຍພັດທະນາແບບຍືນຍົງຂອງ ສະຫະປະຊາຊາດ ທີ່ລັດຖະບານ ຫວຽດນາມ ໄດ້ໃຫ້ຄຳໝັ້ນສັນຍາໄວ້.

ຜົນການສຳຫຼວດປະຊາກອນ ແລະ ເຮືອນຢູ່ ຈະໄດ້ຮັບການປະກາດໃນທ້າຍປີນີ້.