ປກສ ສະຫວັນນະເຂດ ຈັບກຸ່ມໄວໜຸ່ມສ້າງຕົວ ຄ້າ-ຂາຍຢາເສບຕິດ ປະເພດ ຢາເຄ, ກາເຟມ່ວນ ແລະ ກະທ່ອມ ໄດ້ 3 ຄົນ

ວິທະຍກະຈາຍສຽງແຂວງສະຫວັນນະເຂດ ລາຍງານວ່າ: ວັນທີ 13 ມີນາ 2024 ຜ່ານມາເຈົ້າໜ້າທີ່ໜ່ວຍງານຕ້ານຢາເສບຕິດ ກອງບັນຊາການ ປກສ ນະຄອນໄກສອນ ພົມວິຫານ ແຂວງສະຫວັນນະເຂດ ກັກຕົວເປົ້າໝາຍຄ້າຂາຍຢາໄດ້ 2 ຄົນ, ຍິງ 1 ຄົນ ຄື: ຊື່ ນາງ ອັນຈູ ຫຼື ຈູລີ້ ອາຍຸ 23 ປີ ກຳມະກອນ ບ້ານດົງໝາກຢາງ ພ້ອມຂອງກາງຢາເສບຕິດ (ຢາເຄ) ຈຳນວນ 8 ຖົງນ້ອຍ, ເງິນບາດໄທ 1.000 ບາດ, ໂທລະສັບ ໄອໂພນ 1 ໜ່ວຍ, ລົດຈັກ ຮອນດ້າ ບໍ່ມີປ້າຍທະບຽນ 1ຄັນ ແລະ ທ້າວ ຈັນທະຄາດ ຫຼື ຕິ່ງ ອາຍຸ 31 ປີ ກຳມະກອນ, ບ້ານສະໜາມໄຊ, ພ້ອມຂອງກາງ (ຢາເຄ) 60 ຖົງນ້ອຍ, ກາເຟ (coffee house) ປະສົມສານເສບຕິດກາມ້າ 4 ຖົງ, ຢາອີ 1 ເມັດ, ເງິນສົດ 7.000.000 ກີບ, ສາຍຄໍສີເຫຼືອງ 1 ເສັ້ນ, ແຫວນສີເຫຼືອງ 1 ວົງ, ໂທລະສັບໄອໂພໂຟນ 1 ໜ່ວຍ, ລົດຈັກ ຊີພີເອັກ ບໍ່ຕິດປ້ານທະບຽນ 1 ຄັນ.

ນອກນີ້ ວັນທີ 23 ມີນາ 2024 ນີ້ ສາມາດ ກັກຕົວເປົ້າໝາຍຄ້າ-ຂາຍ ໃບກະທ່ອມ ແລະ ອາວຸດເສິກໄວ້ໃນຄອບຄອງ ໄດ້ 1 ຄົນ, ຄື: ທ້າວ ສົມສັກ ຫຼື ຕ້ອຍ ອາຍຸ 42 ປີ ກຳມະກອນ ເຊື້ອຊາດໄທ ສັນຊາດໄທ ບ້ານໜອງຕຳລຶງ ເມືອງ ພານທອງ ແຂວ ຊົນບູລີ (ປະເທດໄທ) ເຊິ່ງມາ ພັກເຊົາຢູ່ ບ້ານ ໂພນສະຫວັນ ນະຄອນໄກສອນພົມວິຫານ ພ້ອມຂອງກາງໃບກະທ່ອມແຫ້ງບົດແລ້ວ 59 ຖົງນ້ອຍ ກັບ 2 ກະປຸກ, ນ້ຳຢາດີໄອ ຍີຫໍ້ດາທິດຊິນ 11 ແກ້ວ, ປືນສັ້ັນຊະນິດ ຊິກຊາວເອີ 2 ກະບອກ ພ້ອມລູກກະສຸນ 76 ລູກ, ເງິນບາດໄທ 2.270 ບາດ, ເງິນກີບ 300.000 ກີບ, ໂທລະສັບ 1 ໜ່ວຍ, ລົດໃຫຍ່ ຍີ່ຫໍ້ ອີຊຸຊຸດີແມັກ ລຸ້ນແຄັບ ສິປອນເງິນ ທະບຽນຜສ 8585 ຊົນບູລີ 1 ຄັນ.