ຈັດງານແຂ່ງຂັນກະລາເພາະກາຍ ແລະ ຍິງຫຸ່ນງາມແຫ່ງຊາດ ປະຈຳປີ 2017

ສະຫະພັນກິລາເພາະກາຍ ແຫ່ງຊາດລາວ ແລະ ກະຊວງສຶກ ສາທິການ ແລະ ກິລາ ໄດ້ຈັດ ການແຂ່ງຂັນກິລາເພາະກາຍ ແຫ່ງຊາດ ປະຈຳປີ 2017, ຂຶ້ນ ໃນວັນທີ 1 ເມສານີ້, ທີ່ນະຄອນ ຫຼວງວຽງຈັນ, ໂດຍການເປັນ ກຽດເຂົ້າຮ່ວມຂອງທ່ານ ບົວ ລານ ສິລິປັນຍາ ຮອງລັດຖະ ມົນຕີກະຊວງສຶກສາທິການ ແລະ ກິລາ, ທ່ານ ບຸນມີ ບັນນາວົງ ປະ ທານກິລາເພາະ ກາຍແຫ່ງຊາດ ລາວ, ພ້ອມດ້ວຍພາກສ່ວນກ່ຽວ ຂ້ອງເຂົ້າຮ່ວມ.

ການແຂ່ງຂັນເພາະກາຍ ຊາຍ ປະຈຳປີ 2017 ລວມມີ 4 ລຸ້ນຄື: ເພາະກາຍຊາຍ ຮຸ່ນນ້ຳໜັກ 68-85 ກິໂລ, ຮຸ່ນນ້ຳໜັກ 55- 67 ກິໂລ, ຊາຍຫຸ່ນດີ ແລະ ຍິງຫຸ່ນ ດີ, ຊຶ່ງ ປະກອບມີ 7 ທ່າບັງຄັບຄື: ກ້າມແຂນດ້ານໜ້າ, ກ້າມປີກ ດ້ານໜ້າ, ກ້າມເອິກດ້ານຂ້າງ, ໜ້າແຂ່ງດ້ານຫຼັງ, ກ້າມປີກດ້ານ ຫຼັງ, ກ້າມຊີ້ນຫຼັງແຂນ, ກ້າມ ທ້ອງ ແລະ ຕົ້ນຂາດ້ານໜ້າ. ຜູ້ຊະນະ ເລີດ ຮຸ່ນນ້ຳໜັກ 68-85 ກິໂລໄດ້ ແກ່ໝາຍເລກ 2 ຄື: ທ້າວ ອິນທາ ກອງຄຳ ມະນີ, ອັນດັບທີ 2 ແມ່ນ ໝາຍເລກ 1 ຄື: ທ້າວ ສຸທິດາວີ ວົງສຸທິ ແລະ ອັບດັບທີ 3ແມ່ນ ໝາຍເລກ 3 ທ້າວສັກຕິສຸກ ດວງ ແກ້ວມະນີ. ສ່ວນຮຸ່ນນໍ້າໜັກ 55- 67 ກິໂລ ຜູ້ຊະນະເລີດໄດ້ ແກ່ໝາຍເລກ 1 ຄື: ທ້າວ ຕຸ້ຍ ໄຊຍະລາດ, ອັນດັບທີ 2 ແມ່ນ ໝາຍເລກ 8 ຄື: ທ້າວ ພຸດສະ ຫວັນ ສີຊົມພູ ແລະ ອັນດັບທີ 3 ແມ່ນໝາຍເລກ 2 ຄື: ທ້າວ ສິນ ໄຊພົມ ມະວໍລະຈັກ, ຊຶ່ງຜູ້ໄດ້ຮັບ ລາງວັນທີ 1 ທັງສອງຮຸ່ນໄດ້ຮັບ ເງິນລາງວັນຄົນລະ 4 ລ້ານກີບ, ລາງວັນທີ 2 ໄດ້ຮັບ 3 ລ້ານກີບ ແລະ ລາງ ວັນທີ 3 ໄດ້ເງິນ 2 ລ້ານກີບ, ພ້ອມຂັນລາງວັນ. ສ່ວນລາງວັນ ຍິງຫຸ່ນງາມ ຜູ້ຊະ ນະເລີດໄດ້ແກ່ໝາຍ 1 ຄື: ນາງ ກິນນາລອນ ນັນທະລາດ, ອັບ ດັບທີ 2 ໄດ້ແກ່ໝາຍເລກ 10 ຄື: ນາງ ພອຍໄພລິນ ພັນທະລີ ແລະ ອັນດັບທີ 3 ໝາຍເລກ 5 ຄື: ນາງ ດາວໄລ ລາວັນ. ສ່ວນລາງວັນ ຊາຍຫຸ່ນງາມ, ຜູ້ຊະນະເລີດໄດ້ ແກ່ໝາຍເລກ 15 ຄື: ທ່ານ ໝາຍ ນັດ ແສນລິດທີ, ອັບດັບທີ 2 ແມ່ນໝາຍເລກ 19 ຄື: ທ້າວ ຂາວພອນ ພອນປະເສີດ ແລະ ອັນດັບທີ 3 ແມ່ນ ທ້າວ ອຸ້ຍ ສີວິ ເສດ. ຊຶ່ງທັງສອງຮຸ່ນນີ້, ລາງວັນ ທີ 1 ໄດ້ຮັບ ເງິນຄົນລະ 2 ລ້ານ ກີບ, ລາງວັນ ທີ 2 ໄດ້ຮັບເງິນ 1,5 ລ້ານກີບ ແລະ ລາງວັນທີ 3 ໄດ້ຮັບເງິນ 1 ລ້ານກີບ, ພ້ອມຂັນ ລາງວັນ.