ຮາເລັບ ກ້າວຂຶ້ນເປັນນັກເຕັນນິສຍິງມື 1 ຂອງໂລກຄົນໃໝ່

ຊິໂມນາ ຮາເລັບ ນັກເຕັນ ນິສສາວ ໂຣມາເນຍ ສ້າງປະ ຫວັດສາດເປັນນັກເຕັນນິສຍິງຈາກເມືອງໂຣມາເນຍ ຄົນທຳ ອິດທີ່ສາມາດກ້າວຂຶ້ນໄປຍຶດມື 1 ຂອງໂລກ ໄດ້ສຳເລັດ ນັບ ຕັ້ງແຕ່ມີການໃຊ້ຄອມພິວເຕີ ເຂົ້າມາຊ່ວຍຈັດອັນດັບໃນປີ 1975 ເປັນຕົ້ນມາ ຫຼັງຜ່ານ ເຂົ້າຊີງຊະນະເລີດການແຂ່ງ ຂັນເຕັນນິສ ໄຊນາ ໂອເພນ ດ້ວຍການເອົາຊະນະ ເຍເລນາ ອອສຕາເພນໂກ ຈາກລັດເວຍ 2-0 ເຊັດ.
ຕະຫຼອດໄລຍະ 52 ອາ ທິດຜ່ານມາ ຮາເລັບ ເຊິ່ງກຳ ລັງຈະກາຍເປັນນັກເຕັນນິສ ຍິງມື 1 ຂອງໂລກ ຄົນທີ 25 ເຮັດຜົນງານໄດ້ຢ່າງດີເດັ່ນ ໂດຍຄວ້າແຊ໊ມ ມາຣິດ ໂອເພນ ລວມທັງຜ່ານເຂົ້າຊີງຊະນະ ເລີດ ເຟຣນ ໂອເພນ, ອິຕາລີ ໂອເພນ, ຊິນຊິນເນຕິ ໂອເພນ ແລະ ຜ່ານເຂົ້າຮອບ 8 ຄົນສຸດ ທ້າຍໃນ ວິມເບິລດັນ.
ນອກຈາກນີ້ ຮາເລັບ ເປັນນັກເຕັນນິສສາວ 1 ໃນ 7 ຄົນທີ່ຄວ້າໂກຕາໄປແຂ່ງຂັນ ດັບເບິລຢູທີເອ ທົວ ໄຟນອລ 2017 ທີ່ປະເທດສິງກະໂປ ໄດ້ຮຽບຮ້ອຍແລ້ວ.