ລາວ ຄອງເຈົ້າຫຼຽນຄຳ ເປຕັງຊີງແຊ໊ມອາຊຽນ ຄັ້ງທີ 4 ທີ່ວຽງຈັນ
ທັບນັກກິລາເປຕັງທີມ ຊາດລາວ ປະກາດສັກດາ ຄອງເຈົ້າຫຼຽນຄຳ ຫຼັງຄວ້າມາ ໄດ້ 5 ຫຼຽນຄຳ, 5 ຫຼຽນເງິນ ແລະ 6 ຫຼຽນທອງ ເປັນອັນດັບ 1 ຂອງຕາຕະລາງຈາກທັງ ໝົດ 5 ປະເທດສະມາຊິກເຂົ້າ ຮ່ວມຊີງໄຊ ໃນການແຂ່ງຂັນ ກິລາເປຕັງຊີງແຊ໊ມອາຊຽນ ຄັ້ງທີ 4 ໃນລະຫວ່າງວັນທີ 2-4 ຕຸລາຜ່ານມາ ທີ່ສະໜາມ ກິລາເປຕັງແຫ່ງຊາດ (ດົງ ໂດກ) ນອຄອນຫຼວງວຽງ ຈັນ.
ການແຂ່ງຂັນດັ່ງກ່າວ ແມ່ນມີ 5 ປະເທດເຂົ້າຮ່ວມປະ ກອບມີ ສສ ຫວຽດນາມ, ກຳ ປູເຈຍ, ອິນໂດເນເຊຍ, ມົງໂກ ເລຍ ແລະ ສປປ ລາວ ເປັນ ເຈົ້າພາບ. ເຊິ່ງມີການຊີງໄຊ ກັນທັງໝົດ 8 ລາຍການຄື: ຊຸດຕິ້ງຍິງ-ຊາຍທົ່ວໄປ, ດ່ຽວ ຍິງ-ຊາຍທົ່ວໄປ, ດ່ຽວເຍົາວະ ຊົນ ຮຸ່ນອາຍຸບໍ່ເກີນ 17 ປີ, ຄູ່ປະສົມທົ່ວໄປ, ຄູ່ຊາຍທົ່ວໄປ ແລະ ທີມຊາຍທົ່ວໄປ.
ຜ່ານການແຂ່ງຂັນເປັນ ເວລາ 2 ມື້ ຜົນປາກົດວ່າ: ນັກ ກິລາເປຕັງລາວ ຍາດໄດ້ 5 ຫຼຽນຄຳ, 5 ຫຼຽນເງິນ ແລະ 5 ຫຼຽນທອງ ເປັນອັນດັບທີ 1 ໃນຕາຕະລາງຫຼຽນລາງວັນ ຄອງເຈົ້າຫຼຽນຄຳຂອງລາຍ ການນີ້. ໂດຍ 5 ຫຼຽນຄຳ ແມ່ນ ໄດ້ຈາກ ນາງ ມະນີວັນ ສຸລິຍາ ປະເພດຍິງດ່ຽວທົ່ວໄປ, ທ້າວ ຄຳສອນ ສິງຫາວົງ ປະເພດ ດ່ຽວເຍົາວະຊົນ ຮຸ່ນອາຍຸບໍ່ ເກີນ 17 ປີ, ທ້າວ ພົງພະຈັນ+ທ້າວ ພຸດທະລາ ແກ້ວກັນນິກາ ປະເພດຄູ່ຊາຍທົ່ວໄປ, ທ້າວ ຄຳຫຼ້າ ໜຽນມະນີ+ນາງ ຈັນ ສະໝອນ ວົງສະຫວັດ ປະ ເພດຄູ່ປະສົມ ແລະ ປະເພດທີມ ຊຸດຊາຍປະກອບມີ: ໂຊກອາ ນັນ ຟອງ ສານຸວົງ, ຄຳເຫຼັກ ໄຊຍະແສງ, ພຸດທະລາ ແກ້ວ ກັນນິກາ ແລະ ໂອເວັ້ນ ດາວ ເຮືອງ.
ສະຫຼຸບຕາຕະລາງຫຼຽນ ລາງວັນອັນດັບ 1 ສປປ ລາວ 5 ຫຼຽນຄຳ, 5 ຫຼຽນເງິນ ແລະ 6 ຫຼຽນທອງ, ອັນດັບ 2 ສສ ຫວຽດນາມ 1 ຫຼຽນຄຳ, 3ຫຼຽນເງິນ ແລະ 1 ຫຼຽນທອງ, ອັນດັບ 3 ອິນໂດເນເຊຍ 1ຫຼຽນຄຳ ແລະ 2 ຫຼຽນທອງ, ອັນດັບ 4 ມົງໂກເລຍ 1 ຫຼຽນ ຄຳ ແລະ ອັນດັບ 5 ກຳປູເຈຍ ບໍ່ໄດ້ຈັກຫຼຽນ.
