ເປີດຕົວແລ້ວ! Google’s Pixel Buds ຫູຟັງໄຮ້ສາຍ ແປໄດ້ 40 ພາສາ
ງານເປີດຕົວ Google Pixel 2 ໃນເມືອງ San Francisco ທີ່ຜ່ານມາ. ສໍາລັບ Google’s Pixel Buds ຫູຟັງໄຮ້ສາຍທີ່ມີປຸ່ມສໍາຜັດໄວ້ສັ່ງການຢູ່ບໍລິເວນຫູຟັງດ້ານຂວາ ທີ່ສາມາດຄວບຄຸມໄດ້ທັງການຮັບສາຍໂທລະສັບ, ເປີດເພງ, ເພີ່ມ ແລະ ຜ່ອນສຽງ ຫຼື ໃຊ້ງານ Google Assistant ໃນມືຖື Google Pixel 2 ໄດ້.
ເຊິ່ງຄວາມໂດດເດັ່ນທີ່ເກີດຂຶ້ນໃນການເປີດຕົວ Pixel Buds ກໍຄືການໃຊ້ Google Assistant ຊ່ວຍແປພາສາເຊັ່ນ ໃນຄິບບັນຍາກາດເປີດຕົວ ເປັນການສົນທະນາລະຫວ່າງພາສາອັງກິດ ແລະ ພາສາສະວີເດັນ.
ຈະເຫັນວ່າເມື່ອເປີດໃຊ້ງານ Google Assistant ຊ່ວຍໃນການແປພາສາ ເມື່ອເຮົາເວົ້າພາສາຫຼັກຂອງເຮົາທາງຝັ່ງ Assistant ຈະແປອອກມາເປັນພາສາທີ່ເລືອກ ໃນຮູບແບບສຽງທີ່ເວົ້າຈົບ ແລະ ອີກຝັ່ງໜຶ່ງກໍເຊັ່ນກັນ ໂດຍຕອນນີ້ Google ສາມາດເຮັດໃຫ້ເຄື່ອງແປພາສາຂອງພວກເຂົາ ຮອງຮັບໄດ້ເຖິງ 40 ພາສາດ້ວຍກັນ ແລະ ກຽມຈໍາໜ່າຍ Google’s Pixel Buds ໃນລາຄາປະມານ 5.300 ບາດ.
