ການເມືອງປາກິດສະຖານເດືອດ ພັກຊະນະອັນດັບ 2-3 ບັນລຸຂໍ້ຕົກລົງຈັດຕັ້ງລັດຖະບານປະສົມ
ສະຖານະການທາງການເມືອງຂອງປາກິດສະຖານພາຍຫລັງການເລືອກຕັ້ງໃນວັນທີ 8 ກຸມພາຜ່ານມາ ເລີ່ມມີຄວາມຊັດເຈນຂຶ້ນ ຫລັງຈາກເກີດຄວາມບໍ່ແນ່ນອນ ເນື່ອງຈາກບໍ່ມີພັກໃດໄດ້ບ່ອນນັ່ງ ສສ ພຽງພໍຈະຈັດຕັ້ງລັດຖະບານພັກດຽວ.
ຫລ້າສຸດພັກ PML-N ຂອງທ່ານ ນາວາ ຊາຣີຟ ອະດີດນາຍົກລັດຖະມົນຕີ ແລະ ພັກ PPP ຂອງທ່ານ ບິລາວັລ ບຸດໂຕ ຊາດາຣີ ອະດີດລັດຖະມົນຕີຕ່າງປະເທດປາກິດສະຖານ ທີ່ສາມາດບັນລຸຂໍ້ຕົກລົງຈັດຕັ້ງລັດຖະບານປະສົມໄດ້ສໍາເລັດ ໂດຍທ່ານ ບຸດໂຕ ປະກາດຈະຊ່ວຍພັກ PML-N ໃນການລົງຄະແນນເລືອກນາຍົກລັດຖະມົນຕີ ເຊິ່ງອະດີດນາຍົກລັດຖະມົນຕີ ຊາຣີຟ ວາງແຜນຈະສະເໜີຊື່ນ້ອງຊາຍຄືທ່ານ ເຊບາດ ຊາຣີຟ ອະດີດນາຍົກລັດຖະມົນຕີ ໃຫ້ຮັບຕໍາແໜ່ງນາຍົກລັດຖະມົນຕີສະໄໝທີ 2.
ສໍາລັບຜົນການເລືອກຕັ້ງຢ່າງເປັນທາງການທີ່ປະກາດກ່ອນໜ້ານີ້ ພົບວ່າຜູ້ສະໝັກອິດສະຫລະທີ່ມີຄວາມເຊື່ອມໂຍງກັບພັກ PTI ຂອງທ່ານ ອິມຣອນ ຂ່ານ ອະດີດນາຍົກລັດຖະມົນຕີ ທີ່ຕິດຄຸກຂໍ້ຫາສໍ້ລາດບັງຫລວງ ແລະ ຖືກຫ້າມເຂົ້າຮ່ວມໃນການເລືອກຕັ້ງ ໄດ້ບ່ອນນັ່ງ ສສ ຫລາຍທີ່ສຸດຈໍານວນ 93 ບ່ອນນັ່ງ, ຮອງລົງມາແມ່ນພັກ PML-N ໄດ້ 75 ບ່ອນນັ່ງ, ສ່ວນພັກ PPP ໄດ້ 54 ບ່ອນນັ່ງ.
ອ້າງອີງ:
