ນັກກິລາໂກນບານໄດ້ຮັບການສະໜັບສະໜູນຈາກສະມາຄົມພິການຕາ 1 ລ້ານກີບ
ທ້າຍອາທິດຜ່ານມາທີ່ສູນຟື້ນຟູນາທິການ ໄດ້ພິທີມອບ ເງິນສະໜັບສະໜູນໃຫ້ນັກກິ ລາພິການໂກນບານທີມຊາດ ລາວຍິງ-ຊາຍຫລັງຈາກຍາດໄດ້ຜົນງານດີເດັ່ນໃນງານກິລາອາຊຽນພາຣາເກມຄັ້ງທີ 9 ທີ່ປະເທດມາເລເຊຍເປັນເຈົ້າ ພາບຕົ້ນເດືອນກັນຍາຜ່ານມານີ້ ໂດຍຕາງໜ້າມອບຂອງ ທ່ານ ວິລິຍະ ຈັນຈະເລີນ ວິຊາ ການໜ່ວຍງານພັດທະນາກິ ລາຄົນພິການຕາສະມາຄົມຄົນພິການຕາລາວ ແລະ ກ່າວຮັບ ໂດຍ ທ່ານ ລອນຄໍາ ອິນທອງ ໄຊ ຄູຝຶກນັກກິລາໂກນບານ ທີມຊາດລາວພ້ອມດ້ວຍນັກກິລາເຂົ້າຮ່ວມ.
ໃນໂອກາດດັ່ງກ່າວທ່ານ ລອນຄໍາ ອິນທອງໄຊໄດ້ກ່າວ ວ່າ: ການເຂົ້າຮ່ວມງານອາ ຊຽນພາຣາເກມຄັ້ງທີ 9 ທີ່ປະ ເທດມາເລເຊຍເປັນເຈົ້າພາບ ຈັດຂຶ້ນຕົ້ນເດືອນກັນຍາຜ່ານ ມານີ້ ຕົນເອງຮູ້ສຶກພາກພູມໃຈ ຕໍ່ຜົນງານທີ່ສາມາດຍາດມາ ໄດ້ 1 ຫລຽນເງິນຈາກທີມ ຊາດໂກນບານຍິງ ແລະ 1 ຫລຽນທອງຈາກນັກກິລາ ໂກນບານຊາຍ ຈາກຜົນງານ ດັ່ງກ່າວທາງໜ່ວຍງານພັດ ທະນາກິລາຄົນພິການຕາສະ ມາຄົມຄົນພິການຕາລາວຈຶ່ງ ໄດ້ເຫັນຄວາມສໍາຄັນທີ່ຢາກ ພັດທະນານັກກິລາຂອງພວກ ເຮົາ ເຖິງແມ່ນວ່າການສະໜັບ ສະໜູນດັ່ງກ່າວຈະບໍ່ຫລວງ ຫລາຍກໍຕາມແຕ່ມັນກໍສາມາດເປັນພື້ນຖານໃນການຝຶກຊ້ອມຂອງນັກນັກກິລາລາວເພື່ອພັດທະນາທັກສະການຫລິ້ນໃຫ້ດີຂຶ້ນກວ່າເກົ່າ ດັ່ງນັ້ນ, ຕົນເອງ ໃນນາມຄູຝຶກຂໍຕາງໜ້າໃຫ້ທີມນັກກິລາໂກນບານຍິງ-ຊາຍ ຂອບໃຈທີ່ຂັ້ນເທິງຍັງເຫັນ ຄວາມສໍາຄັນຂອງກິລາປະ ເພດນີ້ ແລະ ຈະສືບຕໍ່ຝຶກຊ້ອມ ໃຫ້ຫລາຍຂຶ້ນກວ່າເກົ່າເພື່ອ ກຽມຄວາມພ້ອມເຂົ້າຮ່ວມ ການແຂ່ງຂັນໃນຄັ້ງຕໍ່ໄປ.
ສໍາລັບຜົນງານຂອງນັກກິລາພິການລາວເຂົ້າຮ່ວມ ງານກິລາອາຊຽນພາຣາເກມຄັ້ງທີ 9 ທີ່ປະເທດມາເລເຊຍ ສາມາດຍາດໄດ້ 2 ຫລຽນ ເງິນ, 3 ຫລຽນທອງ ຈັດຢູ່ອັນ ດັບທີ 10 ຂອງຕາຕະລາງຄະ ແນນ.
