ພາສີ ແຂວງຫລວງນ້ຳທາ ເກັບລາຍຮັບປະຈຳປີ 2023 ໄດ້ 1.285 ຕື້ກີບ ລື່ນຄາດໝາຍ 315 ຕື້ກວ່າກີບ
February 5, 2024 - 1:00 PM
ທ່ານ ບຸນແອງ ພັນທະວົງ ຫົວໜ້າພາສີປະຈໍາແຂວງຫລວງນໍ້າທາ ລາຍງານວ່າ: ປີ 2023ຜ່ານມາ ພາສີປະຈໍາແຂວງໄດ້ຮັບແຜນການຈັດເກັບລາຍຮັບທັງໝົດ 970 ຕື້ກີບ, ແຕ່ການປະຕິບັດຕົວຈິງໄດ້ 1.285 ຕື້ກີບ, ລື່ນແຜນການ 315 ກວ່າກີບ. ໃນນັ້ນເດັ່ນກວ່າໝູ່ແມ່ນ ດ່ານພາສີສາກົນບໍ່ເຕ່ນ; ດ່ານພາສີທາງລົດໄຟ; ຂະແໜງກວດກາ ແລະ ກວດສອບຄືນການແຈ້ງ, ລ້ວນແຕ່ໄດ້ລື່ນແຜນການ ສ່ວນດ່ານພາສີທ້ອງຖິ່ນປາງໄຮ; ດ່ານພາສີທ້ອງຖິ່ນຊຽງກົກ ແມ່ນ ຫລຸດແຜນປີ.
ສໍາລັບທິດທາງແຜນການປີ 2024 ການເກັບລາຍຮັບແຜນປີໃຫ້ໄດ້ 1.428 ຕື້ກີບ, ໃນນັ້ນອີງໃສ່ ການເກັບລາຍຮັບຈາກ ດ່ານພາສີສາກົນບໍ່ເຕັນໃຫ້ໄດ້ 1.063 ຕື້ກວ່າກີບ, ທາງລົດໄຟບໍ່ເຕັນໃຫ້ໄດ້ 320 ຕື້ກວ່າກີບ, ດ່ານພາສີທ້ອງຖິ່ນປາງໄຮ ໃຫ້ໄດ້ 10.340 ຕື້ກວ່າກີບ, ດ່ານພາສີທ້ອງຖິ່ນຊຽງກົກ ໃຫ້ໄດ້ 9.050 ຕື້ກວ່າກີບ, ຂະແໜງກວດກາ ແລະ ກວດສອບຄືນການແຈ້ງພາສີໃຫ້ໄດ້ 25 ຕື້ກວ່າກີບ ແລະ ວຽກງານອື່ນໆທີ່ ຕິດພັນກັບ ວຽກງານວິຊາສະເພາະທີ່ກ່ຽວຂ້ອງໃຫ້ໄດ້ຕາມລະດັບຄາດໝາຍ.
