ໂຮງງານບັນຈຸແກັສລະເບີດຢູ່ເມືອງຫລວງເກນຢາ ມີຜູ້ບາດເຈັບ 300 ກວ່າຄົນ

ວັນທີ 2 ກຸມພາ 2024, ສໍານັກຂ່າວຕ່າງປະເທດລາຍງານວ່າ: ອົງການກາແດງເຄນຢາອອກຖະແຫລງການ ເກີດເຫດລະເບີດ ແລະ ໄຟໄໝ້ຢ່າງຮຸນແຮງພາຍໃນໂຮງງານບັນຈຸແກັສແຫ່ງໜຶ່ງຢູ່ເຂດເອັມບາກາຊີ ໃນນະຄອນຫລວງ ເນໂຣບີ ຄືນວັນທີ 1 ກຸມພານີ້  ເຮັດໃຫ້ມີຜູ້ໄດ້ຮັບບາດເຈັບປະມານ 300 ຄົນ.

ຂະນະທີ່ສື່ທ້ອງຖິ່ນລາຍງານວ່າ: ເຈົ້າໜ້າທີ່ຍັງຢູ່ລະຫວ່າງການຄວບຄຸມໄຟ ແລະ ມີຜູ້ເສຍຊີວິດແລ້ວ 2 ຄົນ ທ່າມກາງຄວາມກັງວົນວ່າ: ຈໍານວນຜູ້ເສຍຊີວິດອາດເພີ່ມຂຶ້ນອີກ.

ສ່ວນສາເຫດທີ່ແທ້ຈິງຂອງການລະເບີດຄັ້ງນີ້ ຍັງຢູ່ລະຫວ່າງການສືບສວນສອບສວນໂດຍໜ່ວຍງານທີ່ກ່ຽວຂ້ອງ, ຕາມການເປີດເຜີຍໃນເບື້ອງຕົ້ນວ່າ: ເຫດລະເບີດເກີດຂຶ້ນໃນຂັ້ນຕອນການບັນຈຸແກັສ.