ເກີດເຫດເຮືອຫລົ້ມໃນທະເລສາບ ຮານີ ປະເທດອິນເດຍ ເບື້ອງຕົ້ນມີຜູ້ເສຍຊີວິດແລ້ວ 12 ຄົນ
January 19, 2024 - 1:16 PM
ສຳນັກຂ່າວຕ່າງປະເທດລາຍງານໃຫ້ຮູ້ວ່າ: ວັນທີ 18 ມັງກອນ 2024, ເກີດເຫດເຮືອ ຫລົ້ມລົງໃນທະເລສາບ ຮານີ (Harni Lake), ເມືອງວາໂດດາຣາ (Vadodara) ລັດຄຸຊະຣາດ, ປະເທດອິນເດຍ, ເຊິ່ງເປັນເຮືອໂດຍສານ ບັນທຸກນັກຮຽນ ແລະ ຄູອາຈານ ໄປທັດສະນະສຶກສາ.
ເຫດ ເຮືອຫຼົ້ມໃນຄັ້ງນີ້ ມີຜູ້ເສຍຊີວິດແລ້ວ 12 ຄົນ, ເປັນນັກຮຽນ 10 ຄົນ ແລະ ຄູອາຈານ 2 ຄົນ, ໃນຂະນະນີ້ເຈົ້າໜ້າທີ່ກຳລັງສືບສວນຫາສາເຫດທີ່ເຮັດໃຫ້ເຮືອລຳ ດັ່ງກ່າວຫຼົ້ມກາງທະເລສາບ, ຈາກການສືບສວນເບື້ອງຕົ້ນຮູ້ວ່າ ຜູ້ໂດຍສານທັງໝົດແມ່ນບໍ່ໄດ້ມີການໃສ່ເສື້ອຊູຊີບໃນຂະນະທີ່ຢູ່ໃນເຮືອລຳດັ່ງກ່າວ. ເຮືອລຳນີ້ໄດ້ມີຜູ້ໂດຍສານທັງໝົດປະມານ 27 ຄົນ, ເຊິ່ງເຈົ້າໜ້າທີ່ສາມາດຊ່ວຍເຫຼືອຜູ້ປະສົບເຫດ ໄດ້ຈຳນວນ 7 ຄົນ ແລະ ນຳສົ່ງໂຮງໝໍທີ່ໃກ້ຄຽງ.
