ໄອໂຟນຕົກຈາກເຮືອບິນໃນຄວາມສູງ 4876 ແມັດ ແຕ່ລອດ! ຈໍບໍ່ແຕກ ໃຊ້ງານໄດ້ປົກກະຕິ
January 13, 2024 - 3:26 PM
ກາຍເປັນຂ່າວກະແສໃນຊ່ວງນີ້ ຫລັງຈາກມີຄົນເກັບໂທລະສັບໄອໂຟນ ທີ່ຕົກມາຈາກເຮືອບິນ ແຕ່ຍັງມີສະພາບປົກກະຕິ!
.
Seannathan Bates ຊາຍໜຸ່ມການາດາໄດ້ເລົ່າເລື່ອງລາວນີ້ລົງໃນ X ວ່າຕົນໄດ້ພົບເຫັນໂທລະສັບໜ່ວຍນີ້ໃນສະພາບສົມບູນຕົກຢູ່ຂ້າງທາງ ແລະ ໄດ້ແຈ້ງຕໍາຫລວດທັນທີ, ເມື່ອຕໍາຫລວດມາກວດສອບກໍພົບວ່າໄອໂຟນໜ່ວຍດັ່ງກ່າວຍັງໃຊ້ໄດປົກກະຕິ, ໜ້າຈໍບໍ່ແຕກ ແລະ ກວດເບິ່ງຂໍ້ມູນໃນໜ່ວຍກໍພົບວ່າໂທລະສັບໜ່ວຍນີ້ຢູ່ໃນໂໝດເຄື່ອງບິນ ເຊິ່ງເປີດໜ້າກ່ຽວກັບການຈ່າຍເງິນໂຫລດກະເປົ໋າຂອງສາຍການບິນ Alaska Airlines ເອົາໄວ້
.
ກ່ອນໜ້ານັ້ນກໍມີຂ່າວຮືຮາທີ່ອາເມລິກາ-ການາດາ ວ່າສາຍການບິນ Alaska Airlines ຮອບບິນ 1282 ໄດ້ເກີດເຫດປະຕູເຮືອບິນຫລຸດໃນຂະນະທີ່ກໍາລັງບິນຢູ່ເທິງຟ້າ ຈົນເຮັດໃຫ້ຕ້ອງລົງຈອດສຸກເສີນ ໂຊກດີທີ່ທຸກຄົນໃນນັ້ນປອດໄພ
.
ເຊິ່ງນັ້ນກໍໝາຍຄວາມວ່າໂທລະສັບທີ່ເກັບໄດ້ນີ້ມາຈາກສາຍການບິນ Alaska Airlines ຮອບບິນ 1282 ທີ່ບິນໃນຄວາມສູງ 4876 ແມັດ!! , ນອກນັ້ນຕໍາຫລວດຍັງໄດ້ບອກເຕີ່ມອີກວ່າ ນີ້ເປັນໂທລະສັບໜ່ວຍທີສອງແລ້ວ ຈາກຮອບບິນດ່ັງກ່າວ
.
ຂໍ້ມູນຈາກ CatDumb
