ແຜ່ນດິນໄຫວຮຸນແຮງ 6.7 ຣິກເຕີ ທາງພາກໃຕ້ຂອງຟີລິບປິນ ເບື້ອງຕົ້ນຍັງບໍ່ມີລາຍງານຄວາມເສຍຫາຍ

ສຳນັກຂ່າວຕ່າງປະເທດລາຍງານຈາກນະຄອນຫລວງມະນີລາ ປະເທດຟີລິບປິນ ວັນທີ 9 ມັງກອນ 2024 ວ່າ: ສຳນັກງານສຳຫລວດທໍລະນີວິທະຍາສະຫະລັດອາເມລິກາ ລາຍງານເຫດການເກີດແຜ່ນກິນໄຫວຮຸນແຮງ ຂະໜາດ 6.7 ຣິກເຕີ ເມື່ອເວລາ 4:48 ໂມງ (ຕາມເວລາທ້ອງຖິ່ນ ປະເທດຟີລິບປິນ) ໂດຍມີຈຸດສູນກາງຢູ່ ເລິກລົງໄປພື້ນທະເລປະມານ 76 ກິໂລແມັດ ຫ່າງຈາກແຄມຝັ່ງທະເລ ເມືອງ ຊາຣັງການີ ເກາະມິນດານາວ  ໄປທາງເວັນອອກສຽງໃຕ້ຂອງຟີລິບປິນປະມານ 119 ກິໂລແມັດ.

ຫລັງເກີດເຫດຍັງບໍ່ມີລາຍງານຄວາມເສຍຫາຍ ແລະ ຍັງບໍ່ມີການປະກາດເຕືອນໄພ ສຶນາມິ, ຟີລິບປິນເປັນໜຶ່ງໃນປະເທດທີ່ຕັ້ງຢູ່ເທິງເປືອກໂລກຮຽງໂຕກັນ ຫລື ເອີ້ນກັນວ່າ: ວົງແຫວນແຫ່ງໄຟ ຈຶ່ງເກີດແຜ່ນດິນໄຫວ ແລະ ພູໄຟລະເບີດຫລາຍຄັ້ງ.