ຮອງລັດຖະມົນຕີກະຊວງສຶກສາເຄື່ອນໄຫວຊີ້ນຳວຽກງານ ຢູ່ເມືອງໂພນທອງແຂວງຫລວງພະບາງ

ເມື່ອບໍ່ດົນມານີ້, ທ່ານ ຄຳ ຜາຍ ສີສະຫວັນ ຮອງລັດຖະມົນຕີ ກະຊວງສຶກສາທິການ ແລະ ກິລາ (ສສກ) ພ້ອມດ້ວຍຄະນະໄດ້ລົງ ເຄື່ອນໄຫວຢ້ຽມຢາມ ແລະ ໂອ້ ລົມໃຫ້ທິດຊີ້ນຳວຽກງານການບໍ ລິຫານການສຶກສາ ແລະ ກິລາທີ່ ເມືອງໂພນທອງ ແຂວງຫລວງພະບາງໂດຍມີຜູ້ອຳນວຍການ, ຄູອາຈານທົ່ວເທສະບານເມືອງ ແລະ ນັກຮຽນຕ້ອນຮັບຢ່າງ ອົບອຸ່ນ.

+ ລາວຈັດສອບເສັງນັກຮຽນເກັ່ງລະດັບຊາດ ຊັ້ນ ມ4 ແລະ ມ7 ປະຈຳປີ

+ ກະຊວງສຶກສາທິການ ແລະ ກິລາປັບປຸງກົງຈັກການຈັດຕັ້ງໃໝ່

ໂອກາດນີ້, ທ່ານ ອຳຄາ ແກ້ວອຳພອນ ຮອງຫົວໜ້າຫ້ອງ ການສຶກສາທິການ ແລະ ກິລາ ເມືອງໂພນທອງ ໄດ້ລາຍງານ ສະພາບການເຄື່ອນໄຫວວຽກ ງານການສຶກສາ-ກິລາຢູ່ພາຍ ໃນ ເມືອງໂດຍສະເພາະແມ່ນຜົນ ສຳເລັດຂອງແຕ່ລະວຽກງານ, ຂ້ໍຫຍຸ້ງຍາກ, ຂໍ້ຄົງຄ້າງບາງ ດ້ານ ແລະ ສິ່ງທ້າທ້າຍທີ່ຈະ ຕ້ອງໄດ້ແກ້ໄຂໃນຕໍ່ໜ້າເປັນ ຕົ້ນແມ່ນການປັບປຸງການບໍ ລິຫານ, ສະພາບຄູ-ອາຈານ ແລະ ດ້ານງົບປະມານ.

ໃນໂອກາດນີ້, ທ່ານ ຄຳ ຜາຍ ສີສະຫວັນ ໄດ້ກ່າວສະ ແດງຄວາມຍ້ອງຍໍຊົມເຊີຍຕໍ່ຜົນ ສຳເລັດຂອງວຽກງານການ ສຶກສາ-ກິລາ ທີ່ເມືອງຍາດມາ ໄດ້ໃນໄລຍະຜ່ານມາ, ພ້ອມທັງ ໄດ້ໃຫ້ທິດຊີ້ນຳແກ່ບັນດາຜູ້ບໍ ລິຫານການສຶກສາ-ກິລາ, ຄູ-ອາ ຈານ ແລະ ນ້ອງນັກຮຽນໃຫ້ ເອົາ ໃຈໃສ່ສືບຕໍ່ປະຕິບັດໜ້າທີ່ວຽກ ງານຂອງຕົນໃຫ້ດີ, ໂດຍເນັ້ນ ໃສ່ສ້າງຄຸນນະພາບເປັນຫລັກ, ຜູ້ບໍລິຫານການສຶກສາ-ກິລາ ຕ້ອງເກັບກຳຂໍ້ມູນລະອຽດ, ເຂົ້າ ເຖິງກຸ່ມເປົ້າໝາຍຈິ່ງຈະເຫັນ ໄດ້ບັນຫາທີ່ຈະຕ້ອງແກ້ໄຂ, ຄູ- ອາຈານຕ້ອງ ເອົາໃຈໃສ່ຄົ້ນຄວ້າ ສຶກສາຮ່ຳຮຽນ, ສອນໃຫ້ມີລັກ ສະນະວິທະຍາສາດ, ມີຄວາມ ຮັບຜິດຊອບສູງເພື່ອເຮັດໃຫ້ ການສຶກສາມີຄຸນນະພາບດີຂຶ້ນ ເປັນກ້າວໆ.

ໃນໂອກາດນີ້, ທ່ານ ຮອງ ລັດຖະມົນຕີກະຊວງສຶກສາທິ ການ ແລະ ກິລາໄດ້ໄປມອບອຸປະ ກອນການສຶກສາ-ກິລາຈຳນວນ ໜຶ່ງໃຫ້ແກ່ນ້ອງນັກຮຽນໂຮງ ຮຽນປະຖົມບ້ານວັງແນກ ອີກດ້ວຍ.