ເມືອງບົວລະພາ ແຂວງຄຳມ່ວນ ກຳນົດ 6 ກິດຈະກຳ ຮອງຮັບປີທ່ອງທ່ຽວລາວ 2024

ທ່ານ ບຸດດາ ໄຊຍະວົງ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ເມືອງບົວລະພາ ແຂວງຄໍາມ່ວນ ໄດ້ໃຫ້ສຳພາດຕໍ່ສື່ມວນຊົນວ່າ:  ປັດຈຸບັນທົ່ວເມືອງບົວລະພາມີສະຖານທີ່ທ່ອງທ່ຽວທີ່ຂຶ້ນບັນຊີຂອງເມືອງທັງໝົດ 32 ແຫ່ງ, ໃນນັ້ນສະ ຖານທີ່ທ່ອງທ່ຽວທາງທຳມະຊາດ 25 ແຫ່ງ, ວັດທະນະທຳ 2 ແຫ່ງ ແລະ ທາງປະຫວັດສາດ 5 ແຫ່ງ, ມີ ເຮືອນພັກ 7 ແຫ່ງ, ລີສອດ 1 ແຫ່ງ ມີຫ້ອງນອນເພື່ອຮອງຮັບແຂກທັງໝົດ 140 ຫ້ອງ, ຕຽງຄູ່ 35 ຫ້ອງ, ຕຽງດ່ຽວ 105 ຫ້ອງ ແລະ ມີຮ້ານອາຫານ 12 ຮ້ານ, ຮ້ານກິນດື່ມ 2 ຮ້ານ ແລະ ຮ້ານບັນເທີງ 2 ຮ້ານ.

ທາງເມືອງບົວລະພາ ໄດ້ກຳນົດ 6 ກິດຈະກຳ ເພື່ອຮອງຮັບໃຫ້ແກ່ປີທ່ອງທ່ຽວລາວ 2024 ຄື:

1. ກິດຈະກຳການທ່ອງທ່ຽວຊົມຖໍ້າ ນໍ້າລອດເຊບັ້ງໄຟບ້ານໜອງປີງ ຊຶ່ງບັນດານັກທ່ອງທ່ຽວທີ່ເຂົ້າມາທ່ຽວຊົມສາມາດກາງເຕັ້ນນອນ ແລະ ຂີ່ເຮືອ ລອດຖໍ້າ,

2. ກິດຈະກຳຂີ່ເຮືອຈາກບ້ານປາກພະນັງຂຶ້ນມາຫາຖໍ້ານໍ້າລອດເຊບັ້ງໄຟ,

3. ກິດຈະກຳທ່ຽວຊົມທຳມະຊາດ ນໍ້າຕົກຕາດ 2 ຊູ້ບ້ານໜອງບົວ,

4. ກິດຈະກຳທ່ຽວຊົມຖໍ້າຜາກູດ ແລະ ຊ່ອງກ້ອງເບິ່ງສັດທີ່ບ້ານໜອງແສງ,

5. ກິດ ຈະກຳທ່ຽວຊົມຖໍ້ານົກແອ່ນ ແລະ ຖ້ານໍ້າອອກ ( ກາງເປນອນຄ້າງຄືນ ) ທີ່ບ້ານທົ່ງຊໍາ,

6. ກິດຈະກຳທ່ຽວ ຊົມຮ່ອງຮອຍສົງຄາມ ( ຊາກຍົນຕົກ, ລູກລະເບີດ ) ທີ່ບ້ານຜານົບ.

ພິເສດຈະມີການເປີດແຫຼ່ງທ່ອງທ່ຽວໃໝ່ຄື: ຕາດສຽງລືເປັນແຫຼ່ງທ່ອງທ່ຽວໃນຮູບແບບການອະນຸ ລັກທຳມະຊາດທີ່ມີນໍ້າຕົກຕາດສວຍງາມ, ມີຕົ້ນໄມ້ໃຫຍ່, ສັດປ່າຫຼາຍຊະນິດທີ່ຍັງຄົງຄວາມອຸດົມສົມບູນຂອງ ທຳມະຊາດ. ຄາດວ່າໃນປີ 2024 ຈະມີນັກທ່ອງທ່ຽວເຂົ້າມາທ່ຽວເມືອງບົວລະພາບໍ່ຕໍ່າກວ່າ 3.000 ເທື່ອຄົນ.