ພາກກາງ ແລະ ພາກໃຕ້ ອາກາດຈະສືບຕໍ່ຮ້ອນໃນຕອນບ່າຍ ພ້ອມຈະມີລົມພັດແຮງເປັນບາງໂອກາດ

ກົມອຸຕຸນິຍົມ ແລະ ອຸທົກກະສາດ ລາຍງານສະພາບອາກາດ ປະຈຳວັນທີ 12 ທັນວາ 2023 ວ່າ: ຄວາມກົດດັນສູງຂອງອາກາດເຢັນຍັງຈະປົກຄຸມຢູ່ເຂດພາກເໜືອຂອງປະເທດລາວ ດ້ວຍກໍາລັງອ່ອນ, ສົມທົບກັບກະແສລົມຕາເວັນອອກພັດປົກຄຸມ. ເຊິ່ງຈະເຮັດໃຫ້ອາກາດເຢັນໃນຕອນເຊົ້າຢູ່ແຂວງພາກເໜືອ, ແຂວງໄຊສົມບູນ ແລະ ເຂດພູພຽງບໍລະເວນ ພ້ອມມີໝອກບາງປົກຫຸ້ມ ແລະ ຍັງຈະມີຝົນຕົກໃນລະດັບຄ່ອຍຢູ່ບາງທ້ງຖິ່ນ, ສ່ວນແຂວງພາກກາງ ແລະ ພາກໃຕ້ ອາກາດຍັງຈະສືບຕໍ່ຮ້ອນໃນຕອນບ່າຍ ພ້ອມຈະມີລົມພັດແຮງເປັນບາງໂອກາດ.

ສຳລັບນະຄອນຫລວງວຽງຈັນ ອາກາດເຢັນໃນຕອນເຊົ້າ ພ້ອມຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ອຸນຫະພູມໃນລະຫວ່າງ 22-33 ອົງສາ.