ຄິງຄ່ອງໃຫຍ່ຢູ່ຈອມພູເບ້ຍ ແມ່ນມີແທ້ຫລືບໍ່ ແລະ ຍັງເປັນຄຳຖາມຄາໃຈຂອງສັງຄົມ

ກາຍເປັນກະແສ ຮືຮາໂດ່ງດັງເມື່ອມີນັກທ່ອງທ່ຽວເຜີຍແຜ່ຄລິບວີດີໂອຖ່າຍວິວທິວທັດທຳມະຊາດ ຈອມພູເບ້ຍ ແຂວງໄຊສົມບູນ ໃນວັນທີ 3 ທັນວາ 2023, ທີ່ປາກົດມີເງົາຄ້າຍຄື ຍັກໃຫຍ່ ຫລື ລີງຄິງຄ່ອງໃຫຍ່ ຢູ່ກາງຈອມພູດັ່ງກ່າວ, ແລະ ໄດ້ມີມວນຊົນຫລາຍທ່ານໄປແຊຄລິບວີດີໂອ ແລະ ສະແດງຄວາມຄິດເຫັນໄປຕ່າງໆນາໆ ເປັນຈຳນວນຫລາຍ ວ່າແມ່ນແທ້ຫລືບໍ່, ມີແທ້ຫລືບໍ່ ແລະ ກາຍເປັນຄຳຖາມຄາໃຈຂອງຄົນໃນທົ່ວສັງຄົມ.

ຊຶ່ງປະກົດການນີ້ ຍັງບໍ່ທັນມີການຢືນຢັນຈາກໜ່ວຍງານກ່ຽວຂ້ອງວ່າ: ພາບໃນວີດີໂອນັ້ນແມ່ນລີງຄິງຄ່ອງແທ້ ຫລື ບໍ່ ຫຼືວ່າອາດເປັນພຽງການສັນນິຖານຂອງຜູ້ພົບເຫັນເທົ່ານັ້ນ.

ແນວໃດກໍຕາມ ເພື່ອຄວາມກະຈ່າງແຈ້ງ ແລະ ຫາຍຂໍ້ຂ້ອງຄາໃຈຂອງສັງຄົມ ຂໍໃຫ້ໜ່ວຍງານກ່ຽວຂ້ອງກວດກາ-ກວດສອບຄວາມເປັນຈິງ ຖ້າຫາກວ່າແມ່ນແທ້ ຫລື ມີແທ້ ກໍຈະບໍ່ເກີດອັນຕະລາຍຕໍ່ນັກທ່ອງທ່ຽວທີ່ໄປທ່ຽວຊົມ ແລະ ບໍ່ເປັນການລົບກວນສັດໃຫຍ່ອີກດ້ວຍ.