ການນຳແຂວງເຊກອງ ວາງພວງມາລາ ແລະ ກະຕ່າດອກໄມ້ ສະຫລອງວັນຊາດ ຄົບຮອບ 48 ປີ
December 1, 2023 - 2:00 PM
ຕອນເຊົ້າວັນທີ 1 ທັນວາ 2023 ຄະນະພັກ, ອົງການປົກຄອງ ແລະ ສະພາປະຊາຊົນແຂວງເຊກອງ ນໍາໂດຍ ທ່ານ ເຫລັກໄຫລ ສີວິໄລ ກໍາມະການສູນກາງ ພັກ ເລຂາພັກແຂວງ ເຈົ້າແຂວງເຊກອງ ໄດ້ເຂົ້າວາງພວງມາລາ ທີ່ອະນຸສາວະລີນັກຮົບນິລະນາມ ແລະ ວາງກະຕ່າດອກໄມ້ ຢູ່ອະນຸສອນສະຖານ ຮູບປັ້ນຂອງປະທານ ໄກສອນ ພົມວິຫານ ເນື່ອງໃນໂອກາດສະເຫລີມສະຫລອງ ວັນສະຖາປະນາ ສາທາລະນະ ລັດ ປະຊາທິປະໄຕ ປະຊາຊົນລາວ ຄົບຮອບ 48 ປີ (2 ທັນວາ 1975-2 ທັນວາ 2023).
ຈຸດປະສົງ ກໍເພື່ອເປັນການສະແດງເຖິງຄວາມເຄົາລົບຮັກ, ຄວາມກະຕັນຍູ-ຮູ້ບຸນຄຸນ, ຄຸນງາມຄວາມດີ ແລະ ຜົນງານອັນໃຫຍ່ຫລວງ ຂອງບັນພະບູລຸດລາວ ທີ່ໄດ້ອຸທິດຕົນ ເພື່ອປະເທດຊາດ ແລະ ການປະຕິວັດ ໃນໄລຍະຜ່ານມາ ຈົນສາມາດນຳພາປົດປ່ອຍປະເທດຊາດໄດ້ຢ່າງສົມບູນ ແລະ ສະຖາປະນາ ເປັນສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ຈົນເຖິງທຸກວັນນີ້.
