ອັງກິດຢືນຢັນພົບຜູ້ຕິດເຊື້ອໄຂ້ຫວັດໝູສາຍພັນໃໝ່ຄົນທໍາອິດ
ສຳນັກຂ່າວ bbc ລາຍງານ ວັນທີ 27 ພະຈິກ 2023 ວ່າ: ເຈົ້າໜ້າທີ່ສາທາລະນະສຸກຂອງອັງກິດເລັ່ງດໍາເນີນການສືບສວນ ຫລັງພົບກໍລະນີຜູ້ໄດ້ຮັບເຊື້ອໄຂ້ຫວັດ ໝູ ສາຍພັນ A (H1N2)v ຄົນທໍາອິດຂອງປະເທດ, ຜູ້ຕິດເຊື້ອຄົນນີ້ມີອາການໃນລະບົບທາງເດີນຫາຍໃຈ ແລະ ມີອາການປ່ວຍເລັກໜ້ອຍ, ເຊິ່ງກວດພົບລະຫວ່າງການກວດໄຂ້ຫວັດໃຫຍ່ຢູ່ໂຮງໝໍໃນເຂດ ນອດຍອກເຊີ ເຊິ່ງເຈົ້າໜ້າທີ່ກໍາລັງເລັ່ງສືບຕໍ່ຕິດຕາມຜູ້ສໍາຜັດໃກ້ຊິດ ແລະ ຫລຸດການແພ່ລະບາດທີ່ອາດເກີດຂຶ້ນ.
ຫລ້າສຸດຄົນເຈັບ ເຊົາເປັນປົກກະຕິແລ້ວ ເເຕ່ເຈົ້າໜ້າທີ່ກໍາລັງສືບສວນທີ່ມາຂອງການຕິດເຊື້ອ ແລະ ຄວາມສ່ຽງຂອງໄຂ້ຫວັດໝູສາຍພັນນີ້ຕໍ່ສຸຂະພາບຂອງມະນຸດ, ໜ່ວຍງານສາທາລະນະສຸກອັງກິດຊີ້ແຈງວ່າ: ກໍລະນີການຕິດເຊື້ອໄຂ້ຫວັດໝູທີ່ພົບຢູ່ອັງກິດນັ້ນແຕກຕ່າງຈາກປະເທດອື່ນໆທົ່ວໂລກເລັກໜ້ອຍ, ແຕ່ຄ້າຍຄືກັບການລະບາດຂອງໄວຣັສຢູ່ຟາມໝູພາຍໃນອັງກິດ.
ກໍລະນີການຕິດເຊື້ອໄວຣັສໄຂ້ຫວັດໝູໃນມະນຸດສາມາດເກີດຂຶ້ນໄດ້ ເມື່ອ 20 ປີຜ່ານມາ ມີລາຍງານພົບຜູ້ຕິດເຊື້ອໄຂ້ຫວັດໝູສາຍພັນ A(H1N2)v ທົ່ວໂລກປະມານ 50 ຄົນ ເຊິ່ງໃນເດືອນສິງຫາຜ່ານມາພົບຜູ້ຕິດເຊື້ອ 1 ຄົນຢູ່ອາເມລິກາ.
ທ່ານ ພໍ ຮັນເຕີ ສາສະດາຈານດ້ານການແພດຂອງມະຫາວິທະຍາໄລ ອີສແອງເກຍ ຢືນຢັນວ່າ: ໄຂ້ຫວັດໝູສາຍພັນ A(H1N2)v ຈະບໍ່ມີອາການຮຸນແຮງຈາກໄຂ້ຫວັດໃຫຍ່ຊະນິດອື່ນ ແລະໄວຣັສໄຂ້ຫວັດໝູນເຄີຍເກີດການລະບາດໃຫຍ່ໃນມະນຸດ, ປີ 2009 ພົບການແພ່ລະບາດຂອງໄວຣັສຊະນິດນີ້ ໃນໝູ, ນົກ ແລະ ຄົນ.
ອ້າງອີງ:
