ມອບ-ຮັບໜ້າທີ່ ຫົວໜ້າຄ້າຍຄຸມຂັງໂພນຕ້ອງ ຜູ້ເກົ່າ ແລະ ຜູ້ໃໝ່
November 27, 2023 - 11:06 AM
ວັນທີ 23 ພະຈິກ 2023, ໄດ້ມີພິທີມອບ-ຮັບໜ້າທີ່ຫົວໜ້າຄ້າຍຄຸມຂັງໂພນຕ້ອງ ເມືອງຈັນທະບູລີ ນະຄອນຫລວງວຽງຈັນ ຜູ້ເກົ່າ ແລະ ຜູ້ໃໝ່ ເປັນຮັກສາການຊົ່ວຄາວຫົວໜ້າຄ້າຍຄຸມຂັງໂພນຕ້ອງ ມີ ພົຈວ ສົມລິດ ດາວຮຸ່ງສຸລິ ຫົວໜ້າກົມຄຸມຂັງ-ດັດສ້າງ ກະຊວງ ປກສ ເຂົ້າຮ່ວມ.
ໃນພິທີມີໄດ້ເຊັນບົດບັນທຶກມອບ-ຮັບໜ້າທີ່ ລະຫວ່າງ ພັອ ໄຊຍະວົງ ແກ້ວສຸລິວົງ ຫົວໜ້າຄ້າຍຄຸມຂັງໂພນຕ້ອງ ຜູ້ເກົ່າ ຍ້າຍໄປປະຈຳການຢູ່ກົມຕຳຫຼວດຄຸມຂັງ-ດັດສ້າງ ແລະ ແຕ່ງຕັ້ງ ພັທ ບຸນລັນ ຈັນທະພູວົງ ເປັນຮັກສາການຊົ່ວຄາວ ຫົວໜ້າຄ້າຍຄຸມຂັງໂພນຕ້ອງ ຄົນໃໝ່.
