Laos Health ເທັກໂນໂລຍີການແພດ ຊ່ວຍໃຫ້ທ່ານເບິ່ງແຍງສຸຂະພາບແບບຄົບວົງຈອນ
ດ້ວຍຄວາມກ້າວຫນ້າທາງດ້ານເຕັກໂນໂລຢີ, ຈຶ່ງບໍ່ແປກໃຈທີ່ເຕັກໂນໂລຢີຂໍ້ມູນຂ່າວສານສາມາດກ້າວເຂົ້າໄປປະຕິວັດອຸດສາຫະກໍຳຂົງເຂດສຸຂະພາບໄດ້. ເຕັກໂນໂລຍີການແພດ ຊ່ວຍໃນການຄຸ້ມຄອງຂໍ້ມູນທາງການແພດໃນຮູບແບບອີເລັກໂທຣນິກ, ຊ່ວຍໃຫ້ທ່ານຫມໍ ແລະ ຜູ້ຊ່ຽວຊານ ສາມາດເຂົ້າເຖິງຂໍ້ມູນ ຫຼື ປະຫວັດຂອງຄົນເຈັບໄດ້ທັນທີເມື່ອຕ້ອງການ
ເຕັກໂນໂລຊີຊ່ວຍຂັບເຄື່ອນຂະແໜງການແພດແບບດີຈິຕອນ, ເຊິ່ງກວມເອົາລະຫວ່າງການເບິ່ງແຍງສຸຂະພາບ, ເຕັກໂນໂລຊີຂໍ້ມູນຂ່າວສານ ແລະ ດ້ານທຸລະກິດ. ເຊິ່ງການປະຕິວັດນີ້ ຈະຊ່ວຍໃຫເກີດຜົນປະໂຫຍດຫຼາຍໆຢ່າງແກ່ບຸກຄະລາກອນການແພດ ແລະ ຄົນເຈັບ.
- ການປ່ຽນແປງການແພດແບບດັ່ງເດີມ ໄປສູ່ການແພດແບບດີຈິຕອນ
ເຕັກໂນໂລຊີການແພດຊ່ວຍໃຫ້ການຮັບສາຄົນເຈັບມີຄຸນນະພາບສູງຂື້ນ, ຫຼຸດຜ່ອນຂໍ້ຜິດພາດທາງການແພດໄດ້ຢ່າງມີປະສິດທິຜົນ. ຫນຶ່ງໃນຂໍ້ໄດ້ປຽບການແພດແບບດີຈິຕອນແມ່ນຊ່ວຍໃຫ້ຜູ້ຊ່ຽວຊານ, ທ່ານຫມໍ, ຄົນເຈັບ ເຂົ້າເຖິງຂໍ້ມູນທີ່ສໍາຄັນໆໄດ້ງ່າຍທຸກທີ່ທຸກເວລາ ໂດຍສະເພາະເຂດຫ່າງໄກສອກຫຼີກ.
ການບັນທຶກຂໍ້ມູນການແພດແບບອີເລັກໂທຣນິກ ຈະຊ່ວຍເກັບຮັກສາຂໍ້ມູນ ຫຼື ປະຫວັດ ຂອງຄົນເຈັບໄດ້ຢ່າງຄົບຖ້ວນ, ຊັດເຈນ ແລະ ຍັງຊ່ວຍແຈ້ງເຕືອນປະຕິກິລິຍາຂອງຢາຕໍ່ຄົນເຈັບຫາກມີສິ່ງຜິດປົົກກະຕິເກີດຂື້ນ ແລ້ວຈິ່ງສືບຕໍ່ສັ່ງຢາທີ່ເໝາະສົມ ແລະ ປອດໄພໃຫ້ແກ່ຄົນເຈັບ.
ການປ່ຽນແປງການແພດແບບ ດັ່ງເດີມ ໄປສູ່ການແພດແບບດີຈິຕອນ
- ຜົນປະໂຫຍດຂອງເທັກໂນໂລຍີທາງການແພດສໍາລັບແພດຊ່ຽວຊານ ແລະ ທ່ານຫມໍ
– ຜົນປະໂຫຍດທາງດ້ານການເງິນ: ຕາມການຄິດໄລ່, ປະມານ 50% ຂອງຄ່າໃຊ້ຈ່າຍເພື່ອປິ່ນປົວສຸຂະພາບແມ່ນໃຊ້ຈ່າຍເຂົ້າໃນຂັ້ນຕອນການກວດ, ການປິ່ນປົວ ແລະ ຮັກສາທີ່ບໍ່ມີປະສິດທິພາບ. ເຊິ່ງມີຜົນການສຶກສາໃນສະຫະລັດຊີ້ໃຫ້ເຫັນວ່າ ເມື່ອນຳໃຊ້ເຕັກໂນໂລຍີການແພດຢູ່ຕາມບັນຫາໂຮງຫມໍໃຫຍ່ໆຂອງສະຫະລັດ ສາມາດຫຼຸດຜ່ອນຄ່າໃຊ້ຈ່າຍລົງໄດ້ ຢູ່ລະຫວ່າງ 37 ລ້ານຫາ 59 ລ້ານໂດລາໃນໄລຍະເວລາ 5 ປີ.
– ເກີດຂໍ້ຜິດພາດດ້ານເຕັກນິກການແພດຕ່ຳ: ຜົນການສຶກສາສະຖານພະຍາບານໃນລັດ Massachusetts ຈຳນວນ 189 ແຫ່ງ ພົບວ່າມີກໍລະນີຜິດພາດຫຼຸດລົງຈາກ 49 ກໍລະນີ ເຫຼືອພຽງ 2 ກໍລະນີ ຫຼັງຈາກທີ່ຫັນມານຳໃຊ້ການບັນທຶກທາງການແພດແບບເອເລັກໂຕຣນິກ.
– ໄດ້ຮັບຜົນກວດຈາກຫ້ອງແລັບ (Lab) ໄວຂື້ນ: ຫຼາຍກວ່າ 75% ຂອງທ່ານໃນຫ້ອງແລັບ ຢືນຢັນວ່າການນໍາໃຊ້ບັນທຶກທາງການແພດແບບເອເລັກໂຕຣນິກ ຊ່ວຍໃຫ້ເຂົາເຈົ້າໄດ້ຮັບຜົນໄວກວ່າວິທີທີ່ໃຊ້ຕາມປົກກະຕິ.
– ການຈັດຄິວໄວຂຶ້ນ: ບັນດາສະຖານທີ່ທີ່ນໍາໃຊ້ລະບົບເຕັກໂນໂລຢີຂໍ້ມູນຂ່າວສານເຂົ້າໃນການແພດ ແມ່ນສາມາດກວດບັນທຶກ ແລະ ປະຫວັດຄົນເຈັບໄດ້ຢ່າງວ່ອງໄວ ໃນນັ້ນ, ທ່ານໝໍໃຊ້ເວລາກວດປະຫວັດຄົນເຈັບ 1 ຄົນໃຊ້ເວລາພຽງແຕ່ 1,4 ຊົ່ວໂມງ ແທນທີ່ຈະເປັນ 3,9 ຊົ່ວໂມງເມື່ອກວດເບິ່ງບັນທຶກທາງການແພດແບບເຈ້ຍ.
– ປະຫຍັດເວລາ: ຜູ້ຊ່ຽວຊານດ້ານສຸຂະພາບ ຫຼາຍກວ່າ 82% ໄດ້ລາຍງານຜົນການກວດ ຫຼື ປະຫວັດການຮັກສາຂອງຄົນເຈັບເຂົ້າໃນບັນທຶກທາງການແພດແບບເອເລັກໂຕຣນິກ ເຊິ່ງຊ່ວຍປະຫຍັດເວລາ ແລະ ແຮງງານ.
ເທັກໂນໂລຍີການແພດຊ່ວຍໃຫ້ແພດຊ່ຽວຊານ ແລະ ທ່ານໝໍຮູ້ປະຫວັດທາງການແພດຂອງຄົນເຈັບໄດ້ຢ່າງງ່າຍດາຍ
- ຜົນປະໂຫຍດຂອງເທັກໂນໂລຍີທາງການແພດສໍາລັບຄົນເຈັບ
– ໃຊ້ງ່າຍ: ການປະຕິວັດ ຫັນເປັນດີຈິຕອນດ້ານການແພດຊ່ວຍໃຫ້ຄົນເຈັບສາມາດເຂົ້າເຖິງບັນທຶກສຸຂະພາບຂອງຕົນເອງໂດຍກົງ. ນີ້ເຮັດໃຫ້ຄົນເຈັບໄດ້ຮູ້ ແລະ ມີສ່ວນຮ່ວມໃນການຮັກສາສຸພາບຂອງຕົນເອງ. ນອກຈາກນີ້, ລະບົບຍັງຊ່ວຍໃຫ້ຄົນເຈັບສາມາດບໍລິຫານຈັດການ ເບິ່ງແຍງສຸຂະພາບຂອງຕົນເອງໃຫ້ດີຂຶ້ນ.
– ວິທີນີ້ດີກວ່າການບັນທຶກແບບເຈ້ຍ: ສໍາລັບພະຍາດຕ່າງໆເຊັ່ນ: ພະຍາດເບົາຫວານ, ບັນທຶກທາງການແພດເອເລັກໂຕຣນິກສາມາດອັບເດດ ແລະ ແຈ້ງເຕືອນຄົນເຈັບໃຫ້ຮູ້ລະດັບນໍ້າຕານ ແລະ insulin ຂອງເຂົາເຈົ້າໄດ້. 34% ຂອງຄົນເຈັບທີ່ເປັນໂລກເບົາຫວານມັກໃຊ້ບັນທຶກທາງການແພດທາງອີເລັກໂທຣນິກຫຼາຍກວ່າບັນທຶກການແພດເຈ້ຍ ແລະ ມີຄົນເຈັບຫຼາຍກວ່າ 60% ເພິ່ງພໍໃຈໃນການໃຊ້ບັນທຶກທາງການແພດແບບອີເລັກໂທຣນິກນີ້.
ເທັກໂນໂລຍີການແພດ ຊ່ວຍຄຸ້ມຄອງ ແລະ ຮັກສາສຸຂະພາບຂອງຄົນເຈັບໄດ້ດີກວ່າ
- LaosHealth – ເທັກໂນໂລຍີການແພດໂດຍການຮັກສາສຸຂະພາບດ້ວຍຕົນເອງ
ປັດຈຸບັນ, ແພັດຟອມກ່ຽວກັບສຶກສາ ແລະ ການແພດໄດ້ຮັບການພັດທະນາສຳເລັດ ແລະ ໄດ້ຮັບການອະນຸມັດຈາກກະຊວງ, ກົມ ແລະ ຂະແໜງສາທະລະນະສຸກ ເຫັນດີໃຫ້ທົດລອງນຳໃຊ້, Unitel ເອງ ໄດ້ເພີ່ມທະວີຊຸກຍູ້ຮ່ວມມືກັບບັນດາໂຮງຮຽນ ແລະ ໂຮງໝໍ – ເອີ້ນວ່າ “ຜູ້ຜະລິດເນື້ອຫາ” – ແລະ ເຜີຍແຜ່ບໍລິການນີ້ອອກສູ່ປະຊາຊົນ.
Unitel ປ່ຽນແປງໃໝ່ຢ່າງບໍ່ຢຸດຢັ້ງ, ຂະຫຍາຍຂົງເຂດໃໝ່ໆ, ອັບເດດເຕັກໂນໂລຊີເພື່ອໃຫ້ກາຍເປັນວິສາຫະກິດແຖວໜ້າຢູ່ສະເໜີ, ສະໜັບສະໜູນລັດຖະບານລາວ ໃນການຫັນເປັນດີຈິຕອນ. ເຊິ່ງໄດ້ຮັບການຍອມຮັບຈາກອົງການຈັດຕັ້ງສາກົນ Stevie Awards Asia-Pacific ທີ່ໄດ້ມອບລາງວັນໃຫ້ແກ່ Unitel ຈຳນວນສອງລາງວັນຄື “ນະວັດຕະກຳໃນການບໍລິການຂອງພາກລັດ” ແລະ “ນະວັດຕະຜະລິດຕະພັນ ແລະ ການບໍລິການສຳລັບຜູ້ບໍລິໂພກ” ໃນຕົ້ນເດືອນສິງຫາ 2020.
ໂດຍສະເພາະ ໄດ້ຖືກຄັດເລືອກຈາກກະຊວງວິທະຍາສາດ ແລະ ເຕັກໂນໂລຊີ ສປປ ລາວ ໄວ້ວາງໃຈໃຫ້ Unitel ເປັນທີ່ປຶກສາໃນການສ້າງລະບົບ e-Government (ການບໍລິຫານລັດແບບອີເລັກໂທນິກ) ແລະ Smart Health… ຂໍ້ຕົກລົງການຮ່ວມມືສະບັບນີ້ ແມ່ນສ່ວນໜຶ່ງໃນແຜນຍຸດທະສາດການຫັນເປັນດິີຈິຕອນແຫ່ງຊາດລາວ ໂດຍການນຳພາຂອງກະຊວງວິທະຍາສາດ ແລະ ເຕັກໂນໂລຊີ.
ນອກຈາກນີ້, Unitel ຍັງໄດ້ມອບໂຄງການສ້າງລະບົບຄຸ້ມຄອງຂໍ້ມູນພົນລະເມືອງໃຫ້ກັບກະຊວງພາຍໃນຂອງລາວ. ໂດຍອາໄສໂຄງການນີ້, ຈິ່ງສາມາດອັບໂຫຼດຂໍ້ມູນພົນລະເມືອງທັງຫມົດໄປຍັງລະບົບຊອບແວໄດ້, ຊ່ວຍຍົກສູງຄວາມສາມາດໃນການຄຸ້ມຄອງຂໍ້ມູນພົນລະເມືອງ, ຊ່ວຍຫຼຸດຂັ້ນຕອນຕ່າງໆໃຫ້ຫນ້ອຍລົງ ແລະ ນີ້ແມ່ນຄັ້ງທຳອິດທີ່ປະເທດລາວນຳໃຊ້ລະບົບເອເລັກໂຕຣນິກຄຸ້ມຄອງພົນລະເມືອງ ແທນການຄຸ້ມຄອງຜົນລະເມືອງດ້ວຍປຶ້ມຄືແຕ່ກ່ອນ.
ດ້ວຍຂໍ້ໄດ້ປຽບໃນການຫັນເປັນດີຈິຕອນຢູ່ຫວຽດນາມ ແລະ ບັນດາປະເທດພັດທະນາແລ້ວຄື ເປຣູ, ຊ່ວຍໃຫ້ Unitel ມີແຫຼ່ງກຳລັງຄຸນນະພາບ ເພື່ອນຳມາເຊິ່ງໂອກາດທີ່ຈະພັດທະນາດ້ານດີຈິຕອນຢູ່ລາວໃນຕໍ່ໜ້າ ແລະ ຍັງຊ່ວຍໃຫ້ປະຊາຊົນລາວມີຊີວິດການເປັນຢູ່ທີ່ດີຂື້ນ.
ໂດຍໄດ້ຮັບການຍອມຮັບຈາກອົງການຈັດຕັ້ງສາກົນທີ່ມີຊື່ສຽງ, Unitel ເຊື່ອໝັ້ນວ່າຈະໄດ້ຮັບຄວາມໄວ້ເນື້ອເຊື່ອໃຈຈາກລັດຖະບານນັບມື້ນັບຫຼາຍຂຶ້ນ ແລະ ມອບໝາຍໜ້າທີ່ທີ່ສຳຄັນໃນການຫັນເປັນດີຈິຕອນຂອງປະເທດລາວໃນອະນາຄົດ.
#LaoHealth #ເທັກໂນໂລຍີການແພດ #unitel #umoney #laosapp #laosedu
