ກຳນົດ ເສັ້ນທາງການສັນຈອນ ແລະ ສະຖານທີ່ຈອດລົດ ໃນບຸນພຣະທາດຫຼວງ.

ວັນທີ 15 ພະຈິກ 2023 ກອງບັນຊາການ ປກສ ນະຄອນຫຼວງວຽງຈັນ ໄດ້ອອກແຈ້ງການ ກ່ຽວກັບເສັ້ນທາງການສັນຈອນ ແລະ ສະຖານທີ່ຈອດລົງຕ່າງດັ່ງນີ້;

1. ພາຫະນະທຸກຊະນິດ ທີ່ມາແຕ່ເສັ້ນທາງ 13 ເໜືອ ມີຈຸດປະສົງຈະໄປເສັ້ນທາງ 13 ໃຕ້ ມາຮອດທາງ 4 ແຍກຂຶ້ນທາງດ່ວນຈຸດ ໄຊມຸງຄຸນ ໃຫ້ລ້ຽວຊ້າຍ ໄປຕາມເສັ້ນທາງໜອງບຶກ ຮອດ 4 ແຍກໄຟອຳນາດດົງ ໂດກ ແລ້ວລ້ຽວຊ້າຍໄປຕາມຈຸດປະສົງ.

2. ສະເພາະລົດບັນທຸກ ທີ່ມາແຕ່ເສັ້ນທາງ 13 ເໜືອ ມີຈຸດປະສົງຈະໄປຂົວມິດຕະພາບ ໃຫ້ໃຊ້ເສັ້ນທາງ ໜອງບຶກ – ດົງໂດກອອກໃສ່ເສັ້ນທາງ 450 ປີ ໄປຫາຂົວມິດຕະພາບ.

3. ລົດບັນທຸກທີ່ມາແຕ່ຂົວມິດຕະພາບ ມີຈຸດປະສົງໄປເສັ້ນທາງ 13 ໃຕ້ໃຫ້ໃຊ້ເສັ້ນທາງ 450 ປີມາຮອດ 4 ແຍກໄຟອໍານາດດົງໂດກ ໃຫ້ລ້ຽວຂວາໄປທາງດອນໜູນແລ້ວໄປຕາມຈຸດປະສົງ.

4. ລົດບັນທຸກ ທີ່ມາແຕ່ເສັ້ນທາງ 13 ໃຕ້ ມີຈຸດປະສົງໄປຂົວມິດຕະພາບ ມາຮອດໄຟອຳນາດ ຫຼັກ 21 ໃຫ້ລ້ຽວຊ້າຍອອກໃສ່ເສັ້ນທາງ 450 ປີ ແລ້ວລ້ຽວຊ້າຍໄປຂົວມິດຕະພາບ,

5. ພາຫະນະທີ່ມາແຕ່ເສັ້ນທາງ 13 ໃຕ້, ເສັ້ນທາງເລກ 10 ຫຼື ເສັ້ນທາງດອນໜູນ, ເສັ້ນທາງໄກສອນ, ຖ້າບໍ່ ມີຈຸດປະສົງມາທ່ຽວງານບູນ, ມາຮອດໄຟອໍານາດໜອງໜ່ຽງ ໃຫ້ລ້ຽວຊ້າຍໄປເສັ້ນທາງບ້ານໜອງໜ່ຽງອອກໃສ່ ບ້ານວັງຊາຍ ໄປຕາມຈຸດປະສົງ ຫຼື ລ້ຽວຂວາອອກໃສ່ເສັ້ນທາງ ໂຮງໝໍ 150 ຕຽງ ແລ້ວໄປຕາມຈຸດປະສົງ.

6. ກໍລະນີການສັນຈອນມີຄວາມສັບສົນເຈົ້າໜ້າທີ່ຈະໄດ້ແຍກລົດ ຢູ່ຈຸດໄຟອຳນາດດົງໂດກ ແລະ ຈຸດໄຟ ອໍານາດໜອງໜ່ຽງໃຫ້ລ້ຽວຂວາໄປໃຊ້ເສັ້ນທາງດົງໂດກ – ໜອງບຶກ ຮອດ 3 ແຍກປະຕູໂຂງ ມະຫາວິທະຍາໄລ ແຫ່ງຊາດ ແລ້ວລ້ຽວຊ້າຍໄປຕາມເສັ້ນທາງດົງໂດກ – ໂພນຕ້ອງ ຫຼື ຮອດໄຟອໍານາດຕານມີໄຊໃຫ້ລ້ຽວຊ້າຍໄປ ຕາມເສັ້ນທາງຕານມີໄຊ- ຕອນແດງ.

7. ພາຫະນະທີ່ມາແຕ່ເສັ້ນທາງໜອງໄຮ, ໂພນທັນ, ເສັ້ນທາງມິດຕະພາບ ມີຈຸດປະສົງໃຊ້ເສັ້ນທາງກຳແພງ ເມືອງ ມາຮອດໄຟອຳນາດທາດຫຼວງ ແລ້ວລ້ຽວຂວາອອກໃສ່ບ້ານໂນນຄໍ້ ແລະ ໄປຕາມຈຸດປະສົງ ( ຂໍ້ 7 ແມ່ນໃຊ້ສະເພາະ ງານບຸນພະທາດຫຼວງ ແລະ ມື້ໃສ່ບາດ).

ສໍາລັບບ່ອນກໍານົດສະຖານທີ່ຈອດລົດແມ່ນ ໃຫ້ຈອດຕາມສະຖານທີ່ກໍານົດໄວ້ດັ່ງນີ້:

1. ສະເພາະ P ພິເສດ VIP ອະນຸຍາດໃຫ້ຈອດ ເບື້ອງຕາເວັນອອກ ເຂດເຮືອນຊົງລາວ.

2. P1 ແລະ P2 ອະນຸຍາດໃຫ້ຈອດ ຢູ່ສະໜາມຫຼວງ ( ເຂດພື້ນທີ່ອະນຸສາວະລີດາວແດງເກົ່າ ).

3. ລົດທີ່ມາສົ່ງເຄື່ອງຂາຍ ເລີ່ມແຕ່ເວລາ 8:00 ໂມງເຊົ້າ ຫາ 11:00 ໂມງ, ພາຍຫຼັງເອົາເຄື່ອງລົງໝົດແລ້ວ ໃຫ້ນຳລົດໄປຈອດໄວ້ບ່ອນທີ່ຄະນະກຳມະການກຳນົດ (ຖ້າກາຍກຳນົດເວລາດັ່ງກ່າວທາງຄະນະກໍາມະການຈະ ໄດ້ໃຊ້ລົດລາກອອກໄປກັກໄວ້ຈົນກວ່າງານບຸນພະທາດຫຼວງສຳເລັດ ຈິ່ງຈະຄົ້ນຄວ້າແກ້ໄຂ).

4. ສໍາລັບລົດຂົນສົ່ງມວນຊົນ, ຕຸກໆ, ຈໍາໂບ້, ລົດຂົນສົ່ງໂດຍສານ ອະນຸຍາດໃຫ້ຈອດຊົ່ວຄາວເພື່ອສົ່ງຄົນ ໂດຍສານລົງຕາມຈຸດທີ່ໄດ້ກຳນົດເຊັ່ນ: ຈຸດຕະຫຼາດທາດຫຼວງ, ເສັ້ນທາງສີສັງວອນ – ໂພນໄຊ, ເສັ້ນທາງປະຕູ ໄຊ-ໂພນສະອາດ, ເສັ້ນທາງຊ້າງເປືອກເຂດບ້ານຮ່ອງໄກ່ແກ້ວ ແລະ ຮ່ອມໂຮງຮຽນມັດທະຍົມໜອງສ້າງທໍ່.

5. ສະເພາະລົດຍົນ, ລົດຈັກ, ລົດຖີບ, ລົດສາມລໍ້ ທີ່ມີຈຸດປະສົງໄປທ່ຽວງານບຸນພະທາດຫຼວງໃຫ້ຈອດ ຕາມສະຖານທີ່ຂອງຄະນະກຳມະການຈັດງານບຸນກຳນົດໄວ້ ເຊິ່ງຈະມີເຈົ້າໜ້າທີ່ແນະນຳ ຢູ່ຕາມຈຸດຕ່າງ ໆ

6. ພາຫະນະທີ່ມາແຕ່ເສັ້ນທາງ 13 ເໜືອ ອະນຸຍາດໃຫ້ຈອດ ຢູ່ສະຖານທີ່ຈອດລົດປະຕູໄຊ ແລະ ຈອດຢູ່ ສະຖານທີ່ບໍລິການຈອດລົດ, ຈອດຕາມທາງຊອຍ, ທາງຮ່ອມບ້ານສີບຸນເຮືອງ ທີ່ເຫັນວ່າມີຄວາມປອດໄພ ແລະ ບໍ່ເປັນການກີດຂວາງການສັນຈອນຂອງພາຫະນະອື່ນ ໆ.

7. ພາຫະນະທີ່ມາແຕ່ເສັ້ນທາງ 13ໃຕ້ ແລະ ເສັ້ນທາງເລກ10 ບ້ານເກິນ ອະນຸຍາດຈອດລຽບຕາມເສັ້ນທາງ ຊອຍ, ທາງຮ່ອມເຂດບ້ານໂພນພະເນົາ ທີ່ເຫັນວ່າມີຄວາມປອດໄພ ແລະ ບໍ່ເປັນການກີດຂວາງການສັນຈອນ ຂອງພາຫະນະອື່ນ ໆ.ອ. ລົດເມ, ລົດໂດຍສານ, ລົດ 6 ລໍ້ຂຶ້ນໄປ ທີ່ມາແຕ່ທາງທ່າເດື່ອ, ເມືອງ ຫາດຊາຍຟອງ ອະນຸຍາດໃຫ້ຈອດ ຕາມທາງຊອຍ ບ້ານສະພັງໝໍ້ ແລະ ເສັ້ນທາງໂພນສີນວນ.

8. ພາຫະນະມາແຕ່ບ້ານຊຳເຄ້, ນາຄວາຍ, ດົງຄຳຊ້າງ, ຊຽງດາໃຫ້ຈອດຢູ່ສະຖານທີ່ຕະຫຼາດຫົວຂົວ.

ບຸນນະມັດສະການພຣະທາດຫຼວງວຽງຈັນ ທີ່ຈະຈັດຂຶ້ນໃນລະຫວ່າງໃນວັນທີ 21-27 ພະຈິກ 2023 ນີ້.