ມົງໂກລີ ຈຳກັດການນຳເຂົ້າລົດເພື່ອຫລຸດບັນຫາການຈະລາຈອນແອອັດ

ຂ່າວຕ່າງປະເທດລາຍງານໃນວັນທີ 30 ຕຸລາ 2023, ທ່ານ ຄີສກີ ໄນບາຕາ ເຈົ້າຄອງນະຄອນຫຼວງອູລານບາຕໍ ລາຍງານວ່າ: ມົງໂກລີ ຈະຈຳກັດການນຳເຂົ້າລົດ ເພື່ອຫລຸດຜ່ອນບັນຫາລົດຕິດໃນນະຄອນຫລວງ.

ທ່ານ ໄນບາຕາ ກ່າວວ່າ: ບັນຫາການຈາລະຈອນແອອັດແມ່ນບັນຫາໜຶ່ງທີ່ສົ່ງສຽງດັງລົບກວນຊາວເມືອງອູລານບາຕໍ ທີ່ສຸດ, ມີການຄາດຄະເນວ່າ ຊາວເມືອງອູລານບາຕໍຕ້ອງເສຍເວລາເຖິງ 717 ຊົ່ວໂມງ ຫຼື ເກືອບວ່າໜຶ່ງເດືອນຕໍ່ປີທີ່ລົດຕິດໃນຫົນທາງ.

ບັນຫາການຈາລະຈອນຍັງບໍ່ສາມາດແກ້ໄຂໄດ້ຖ້າຫາກວ່າຍັງບໍ່ຈຳກັດການນຳເຂົ້າລົດ. ສະນັ້ນ, ພວກເຮົາຈຶ່ງມີແຜນການຈຳກັດການນຳເຂົ້າລົດ ແລະ ມີຄວາມເຂັ້ມງວດໃນການເຮັດປ້າຍລົດໃໝ່. ເປັນເວລາຫລາຍປີມາແລ້ວ, ບັນຫາການຈາລະຈອນແອອັດໄດ້ກາຍເປັນບັນຫາໜັກໜາສາຫັດທີ່ສຸດສຳລັບຊາວເມືອງອູລານບາຕໍ. ຊາວເມືອງອູລານບາຕໍແທ້ໆມີປະມານ 5 ແສນຄົນ, ແຕ່ປັດຈຸບັນ ເມືອງແຫ່ງນີ້ໄດ້ກາຍເປັນທີ່ຢູ່ອາໄສຂອງຄົນປະມານເຄິ່ງໜຶ່ງຂອງພົນລະເມືອງຂອງປະເທດທັງໝົດ 3,4 ລ້ານຄົນ.

ປັດຈຸບັນໃນນະຄອນຫຼວງອູລານບາຕໍ ມີລົດທີ່ຈົດທະບຽນແລ້ວ 720.000 ຄັນ. ເຈົ້າຄອງນະຄອນຫຼວງກ່າວວ່າ: ຈຳນວນລົດໃນນະຄອນຫຼວງອູລານບາຕໍ ໄດ້ເພີ່ມຂຶ້ນໂດຍສະເລ່ຍແມ່ນ 50.000 ຄັນຕໍ່ປີ.