ສານປະຊາຊົນສູງສຸດ ແລະ ອົງການກວດສອບແຫ່ງລັດ ຮ່ວມກັນແກ້ໄຂການກວດສອບ ແລະ ດໍາເນີນຄະດີ

ວັນທີ 30 ຕຸຸລາ 2023, ສານປະຊາຊົນສູງສຸດ ແລະ ອົງການກວດສອບແຫ່ງລັດ ເຊັນບົດບັນທຶກການປະສານງານຮ່ວມມືກັນປະຕິບັດ ພາລະບົດບາດສິດ ແລະ ໜ້າທີ່ຂອງສອງອົງການ, ໃຫ້ມີຄວາມເຂັ້ມແຂງຂຶ້ນຕື່ມອີກ ໂດຍສະເພາະ ແມ່ນຍົກສູງປະສິດທິພາບ ແລະ ປະສິດທິຜົນໃນການແກ້ໄຂການກວດສອບ, ການດໍາເນີນຄະດີໃຫ້ປາກົດຜົນເປັນຈິງ ສ້າງຄວາມໂປ່ງໃສໃນການນນໍາໃຊ້ງົບປະມານ, ຊັບສິນຂອງລັດ, ປົກປ້ອງສິດ ແລະ ຜົນປະໂຫຍດອັນຊອບທໍາຂອງລັດລວມໝູ່ ແລະ ພົນລະເມືອງ ກໍຄື ສັງຄົມ ຈັດຕັ້ງປະຕິບັດກົດໝາຍໃຫ້ມີຄວາມສັກສິດ, ເຂັ້ມງວດ ແລະ ຍຸຕິທຳ.

ຮ່ວມລົງນາມໃນຄັ້ງນີ້ ແມ່ນ ທ່ານ ນາງ ວຽງທອງ ສີພັນດອນ ປະທານສານປະຊາຊົນສູງສຸດ ແລະ ທ່ານ ວຽງທະວີສອນ ເທບພະຈັນ ປະທານອົງການກວດສອບແຫ່ງລັດ.