ອິນໂດເນເຊຍ ອາດຂາດແຄນເຂົ້າໃນປີນີ້ ເນື່ອງມາຈາກປາກົດການແອວນີໂຢ

ສຳນັກຂ່າວຕ່າງປະເທດລາຍງານຈາກ ນະຄອນຫລວງຈາກາຕາ ປະເທດອິນໂດເນເຊຍ ວັນທີ 19 ຕຸລາ 2023 ຂໍ້ມູນຈາກສຳນັກງານສະຖິຕິແຫ່ງຊາດອິນໂດເນເຊຍ ລະບຸວ່າ: ປີນີ້ ອິນໂດເນເຊຍອາດຂາດແຄນເຂົ້າຫລາຍກວ່າ 1.400.000ໂຕນ, ຄາດວ່າການຜະລິດເຂົ້າໃນໄຕມາດທີ 4 ຂອງປີນີ້ (ລະຫວ່າງ ເດືອນຕຸລາ-ເດືອນທັນວາ) ອາດຢູ່ໃນລະດັບ 4.480.000 ລ້ານໂຕນ ຕໍ່າກວ່າໄລຍະດຽວກັນຂອງປີກ່ອນເກືອບ 11%. ຍ້ອນໄພແຫ້ງແລ້ງ.

ໄພແຫ້ງແລ້ງທີ່ເກີດຂຶ້ນນັ້ນ ມາຈາກປາກົດການ ແອວນີໂຢ ເຮັດໃຫ້ການເກັບກ່ຽວເຂົ້າຫລຸດລົງ ໂດຍສະເພາະ ແຂວງຊວາ ແລະ ແຂວງສຸມາຕຣາ ທາງພາກຕາເວັນຕົກ ເຊິ່ງເປັນແຫລ່ງປູກເຂົ້າຂະໜາດໃຫຍ່ຂອງປະເທດ.

ຂະນະທີ່ ປະທານາທິບໍດີ ໂຈໂຈ ວິໂດໂດ ຜູ້ນຳອິນໂດເນເຊຍ ຍອມຮັບວ່າປີ 2023ນີ້ ກາຍເປັນປີທີ່ຍາກລຳບາກສຳລັບອິນໂດເນເຊຍ ເຊິ່ງໄດ້ຮັບຜົນກະທົບຈາກປາກົດການແອວນີໂຢ ທີ່ກໍ່ໃຫ້ເກີດໄພແຫ້ງແລ້ງຍາວນານ, ສະພາບອາກາດປ່ຽນແປງ, ອຸນຫະພູມເພີ່ມຂຶ້ນສູງ ເຊິ່ງປັດໄຈເຫລົ່ານີ້ ສົ່ງຜົນຕໍ່ການຜະລິດອາຫານຂອງໂລກ.

ອ້າງອີງຈາກ: https://www.dailynews.co.th/news/2821447/