ຕຳຫລວດໄທ ບຸກກວາດລ້າງຜະລິດຕະພັນນ້ຳຫວານ ປະສົມສານໂຄເດອິນ ເມື່ອດື່ມເກີນຂະໜາດອັນຕະລາຍຕໍ່ຊີວິດ

ສຳນັກຂ່າວຊ່ອງ7 ໄທ ລາຍງານ: ວັນທີ 17 ຕຸລາ 2023, ກອງບັນຊາການຕຳຫລວດສອບສວນ ຮ່ວມກັບຄະນະກົມອາຫານ ແລະ ຢາ ລົງກວາດລ້າງຜູ້ຈຳໜ່າຍຜະລິດຕະພັນນ້ຳຫວານ ທີ່ສົງໄສວ່າປະສົມກັບສານ ໂຄເດອິນ,ໄດ້ກວດຄົ້ນ 6 ຈຸດ ໃນພື້ນທີ່ກຸງເທບ, ນົນທະບູລີ, ແລະ ຈັງຫວັດອ່າງທອງແລະ ຢຶດຂອງກາງ 32 ລາຍການ ລວມ 865 ກວດ.

ນີ້ຍ້ອນວ່າໄດ້ຮັບການລາຍງານຈາກປະຊາຊົນ ໃຫ້ກວດສອບການຂາຍຢາຜະລິດຕະພັນນ້ຳຫວານຍີ່ຫໍ້ Legendtean Syrup ຜ່ານເຟສບຸກຊື່ “Legendtean Syrup” ແລະ ເວັບໄຊ http://www. legendlean.com
ເຊິ່ງຜະລິດຕະພັນດັ່ງກ່າວກຳລັງລະບາດ ແລະ ເປັນທີ່ນິຍົມໃນກຸ່ມໄວໜຸ່ມ ໂດຍນຳໄປປະສົມກັບນ້ຳອັດລົມ, ຢາບາງຊະນິດ ຫລື ດື່ມໂດຍບໍ່ປະສົມກັບຫຍັງກໍໄດ້ ເພື່ອສ້າງຄວາມມຶນເມົາ.

ເຈົ້າໜ້າທີ່ຈຶ່ງໄດ້ກວດສອບເວັບໄຊດັ່ງກ່າວພົບວ່າຍ້ອນມີການລົງໂຄສະນາຂາຍຢາ ແລະ ຜະລິດຕະພັນໃນກຸ່ມທີ່ດື່ມແລ້ວເກີດອາການມຶນເມົາ ເປັນຕົ້ນແມ່ນ ຢານ້ຳແກ້ໄອ, ຢາແກ້ແພ້ ທຣາມາດໍ ລວມທັງມີການໂຄສະນາສັບພະຄຸນຂອງຢາວ່າ ເມື່ອດື່ມແລ້ວຈະເຮັດໃຫ້ຮ່າງກາຍເຂົ້າສູ່ສະພາວະໃໝ່, ຜ່ອນຄາຍ, ມີຄວາມສຸກ, ລ່ອງລອຍເພີດເພີນ.

ແຕ່ຄວາມຈິງແລ້ວຜົນຂອງການໃຊ້ຢາໃນທາງທີ່ຜິດ ຈະເກີດອັນຕະລາຍຕໍ່ສຸຂະພາບ ເປັນຕົ້ນ ປຸ້ນທ້ອງ, ປວດຮາກ, ເຫງົານອນ, ຫາກໃຊ້ໃນປະລິມານຫລາຍຈະເຮັດໃຫ້ຢຸດຫາຍໃຈ, ຊັອກ ແລະ ຫົວໃຈຢຸດເຕັ້ນ.

ຈາກນັ້ນ, ເຈົ້າໜ້າທີ່ຈຶ່ງໄດ້ເຂົ້າກວດຄົ້ນ ສະຖານເກັບຮັກສາ ແລະ ຜູ້ຈຳໜ່າຍ ຈຳນວນ 6 ຈຸດ ລວມທັງຢຶດຂອງກາງ 32 ລາຍການ.

ອ້າງອີງຈາກ: https://news.ch7.com/detail/678659?fbclid=IwAR0PGvgFOyypxJeYjpWIuvp3PdPmtz8OOnEWbhoMVTlR4QJKcTYdXcEUuaA