ພະແນກການເງິນສະຫວັນນະເຂດ ເປີດປະມູນລົດໃຫຍ່ 6 ຄັນ ທີ່ສານຕັດສິນຮິບເປັນຂອງລັດ ເພື່ອມອບລາຍຮັບເຂົ້າງົບປະມານ
ວັນທີ 12 ຕຸລາ 2023, ພະແນກການເງິນ ແຂວງສະຫວັນນະເຂດ ໄດ້ແຈ້ງການປະມູນ ພາຫະນະທີ່ສານຕັດສິນຮິບເປັນຂອງລັດ ເພື່ອສະສາງຊັບສິນຂອງລັດ ປະເພດພາຫະນະ (ລົດໃຫຍ່) ທີ່ສານຕັດສິນຮິບເປັນຂອງລັດ ໃຊ້ໄດ້ຢ່າງເດັດຂາດ ແລະ ມອບລາຍຮັບຂາຍຈາກຊັບສິນດັ່ງກ່າວເຂົ້າງົບປະມານ ໃຫ້ຖືກຕ້ອງ ຄົບຖ້ວນ ທັນຕາມກໍານົດເວລາ ແລະ ມີຄວາມໂປ່ງໃສ ຕາມລະບຽບການ ແລະ ກົດໝາຍ ເຊິ່ງມີລາຍລະອຽດດັ່ງນີ້:
1) ລົດກະບະ ນິດສັນ ສະມາດແຄັບ ສີຂຽວ ຄວາມແຮງ 2.500 ຊີຊີ ປີຜະລິດ 2006 ຄ່າປະເມີນລາຄາ 15.000.000 ກີບ (ສິບຫ້າລ້ານກີບ)
2) ລົດຕູ້ ຄາລີວໍ ສີຂາວ ຄວາມແຮງ 2.500 ຊີຊີ ປີຜະລິດ 2006 ມູນຄ່າປະເມີນລາຄາ 10.000.000 ກີບ (ສິບລ້ານກີບ)
3) ລົດກະບະ ຮຸນໃດ ລຸ່ນຟອດເຕີ້ ສີຂຽວ ຄວາມແຮງ 2.500 ຊີຊີ ປີຜະລິດ 2006 ມູນຄ່າປະເມີນລາຄາ 15.000.000 ກີບ(ສິບຫ້າລ້ານກີບ);
4) ລົດຕູ້ ຮຸນໃດ ລຸ່ນສະຕາເເລັກ ສີຂາວ ຄວາມແຮງ 2.500 ຊີຊີ, ປີຜະລິດ 2006 ມູນຄ່າປະເມີນລາຄາ 15.000.000 ກີບ (ສິບຫ້າລ້ານກີບ)
5) ລົດຕູ້ ຮຸນໃດ ລຸ່ນສະຕາເເລັກ ສີປອນ ຄວາມແຮງ 2.500 ຊີຊີ, ປີຜະລິດ 2006 ມູນຄ່າປະເມີນລາຄາ 15.000.000 ກີບ (ສິບຫ້າລ້ານກີບ)
6) ລົດກະບະ ຮຸນໃດ ສີຂາວ ຄວາມແຮງ 2.500 ຊີຊີ ປີຜະລິດ 2006 ມູນຄ່າປະເມີນລາຄາ 7.000.000 ກີບ (ເຈັດລ້ານກີບ);
ທຸກພາກສ່ວນ ທີ່ມີຄວາມສົນໃຈ ຢາກເຂົ້າຮ່ວມປະມູນແຂ່ງຂັນລາຄາ ແບບເປີດກວ້າງ ສາມາດຕິດຕໍ່ຊື້ຊອງປະມູນ ທີ່ພະແນກ ການເງິນແຂວງ (ຂະແໜງຄຸ້ມຄອງຊັບສິນແຫ່ງລັດ) ແລະ ກວດກາສະພາບພາຫະນະ ຕົວຈິງຢູ່ທີ່ເດີ່ນຈອດລົດກອງພັນເຄື່ອນທີ່ ປກສ ແຂວງສະຫວັນນະເຂດ ຕັ້ງຢູ່ກິໂລແມັດທີ 5 ບ້ານໂພນສະຫວ່າງເໜືອ ນະຄອນ ໄກສອນພົມວິຫານ ແຂວງສະຫວັນນະເຂດ ໃນໂມງລັດຖະການ. ເລີ່ມຂາຍຊອງປະມູນແຕ່ວັນທີ 1-25 ຕຸລາ 2023, ກໍານົດເປີດຊອງປະມູນ ແມ່ນ ເວລາ 9:00 ໂມງ ຂອງວັນທີ 31 ຕຸລາ 2023 ທີ່ພະແນກການເງິນ ແຂວງສະຫວັນນະເຂດ.
