ກະຊວງກະສິກຳ-ປ່າໄມ້ ກຽມສ້າງນະໂຍບາຍແນວພັນພືດ
ທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດໄດ້ນຳຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມລັດຖະມົນຕີຕ່າງປະເທດປະປີຂອງຂອບການຮ່ວມມືເວທີການຮ່ວມມືແຫ່ງອາຊີ (ACD) ຊຶ່ງຈັດຂຶ້ນໃນວັນທີ 21 ກັນຍານີ້ທີ່ນິວຍອກສະຫະລັດອາເມລິກາ, ພາຍໃຕ້ການເປັນປະທານຂອງ ທ່ານ ມູຮາມັດ ຈາວັດ ຊາຣິບ ລັດຖະມົນຕີຕ່າງປະເທດອີຣານ ແລະ ມີບັນດາລັດຖະມົນຕີ, ຮອງລັດຖະມົນຕີຈາກບັນດາປະເທດສະມາຊິກ ເອຊີດີ ເຂົ້າຮ່ວມ.
ກອງປະຊຸມໄດ້ຕີລາຄາສູງຕໍ່ຄວາມຄືບໜ້າຂອງການຈັດຕັ້ງປະຕິບັດບັນດາກິດຈະກຳຕ່າງໆໃນປີ 2016-2017, ໂດຍສະເພາະໃນ 6 ເສົາຄໍ້າຂອງວິໄສທັດ ເອຊີດີ ຮອດປີ 2030. ພ້ອມນີ້, ກໍໄດ້ຮ່ວມກັນປຶກສາຫາລື ແລະ ແລກປ່ຽນຄຳຄິດຄຳເຫັນກ່ຽວກັບທິດທາງການຮ່ວມມືທີ່ມີປະສິດທິຜົນໃນຕໍ່ໜ້າ, ເພື່ອແນ່ໃສ່ເສີມຂະຫຍາຍ ແລະ ຮັດແໜ້ນການຮ່ວມມືລະຫວ່າງບັນດາປະເທດສະມາຊິກ ເອຊີດີ.
ໃນໂອກາດດຽວກັນ, ໄດ້ມີການມອບຮັບໜ້າທີ່ການເປັນປະທານ ເອຊີດີ ລະຫວ່າງສະຫະນະຄອນ ເອເມຣັດອາຣັບ (ປະທານຜູ້ເກົ່າ) ແລະ ອີຣານ (ປະທານຜູ້ໃໝ່), ເຊິ່ງອີຣານໃນນາມເປັນປະທານ ເອຊີດີ ຜູ້ໃໝ່ໄດ້ແຈ້ງຕໍ່ກອງປະຊຸມກ່ຽວກັບການເປັນເຈົ້າພາບຈັດກອງປະຊຸມລັດຖະມົນຕີຕ່າງປະເທດ ແລະ ກອງປະຊຸມສຸດຍອດເອຊີດີ ຄັ້ງທີ 3 ເຊິ່ງຈະຈັດຂຶ້ນໃນເດືອນຕຸລາປີ 2018.
ຂອບການຮ່ວມມື ເອຊີດີ ໄດ້ຖືກສ້າງຕັ້ງຂຶ້ນໃນປີ 2002, ມາເຖິງປັດຈຸບັນມີສະມາຊິກທັງໝົດ 34 ປະເທດ. ໃນນັ້ນ, ສປປ ລາວ ເປັນໜຶ່ງໃນປະເທດຮ່ວມກໍ່ຕັ້ງຂອບການຮ່ວມມືດັ່ງກ່າວ.
