ລັດຖະມົນຕີກະຊວງພະລັງງານ ແລະ ບໍ່ແຮ່ ເຄື່ອນໄຫວກວດກາການຄ່ຽນຖ່າຍ ແລະ ເຄື່ອນຍ້າຍແຮ່ທາດ ຢູ່ແຂວງວຽງຈັນ
October 12, 2023 - 12:29 PM
ວັນທີ 10 ຕຸລາ 2023, ທ່ານ ໂພໄຊ ໄຊຍະສອນ ລັດຖະມົນຕີກະຊວງພະລັງງານ ແລະ ບໍ່ແຮ່ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ເເລະ ເຮັດວຽກກວດກາການຄ່ຽນຖ່າຍ ແລະ ເຄື່ອນຍ້າຍແຮ່ທາດ ທາງລົດໄຟ ລາວ – ຈີນ ທີ່ແຂວງວຽງຈັນ, ໂດຍໄດ້ ຊີ້ນໍາໃຫ້ສືບຕໍ່ປະສານສົມທົບນໍາຂະ ແໜງການກ່ຽວຂ້ອງກໍຄືອໍານາດການປົກຄອງທ້ອງຖິ່ນໃນການກວດກາ ຄຸ້ມຄອງປະເມີນການສົ່ງອອກແຮ່ທາດໃຫ້ປະສົບຜົນສໍາເລັດຕາມແຜນການທີ່ວາງໄວ້.
ສ່ວນບັນຫາອື່ນໆທີ່ຕິດພັນກັບການ ການຂົ່ນສົ່ງ, ຄ່ຽນຖ່າຍ ແລະ ເຄື່ອນຍ້າຍແຮ່ທາດ ພາຍໃນແຂວງ ກໍໃຫ້ສືບຕໍ່ປັບປຸງແກ້ໄຂ ໂດຍປະສານສົມທົບຢ່າງກົມກຽວກັບຂະແໜງການກ່ຽວ ຂ້ອງຂອງສູນກາງ ແລະ ທ້ອງຖິ່ນ ເພື່ອເຮັດໃຫ້ການຄ່ຽນຖ່າຍ ແລະ ເຄື່ອນຍ້າຍແຮ່ທາດດຳເນີນໄປດ້ວຍຄວາມໂລ່ງລ່ຽນ ແລະ ປະສົບຜົນສຳເລັດ. ພ້ອມທັງເນັ້ນໃຫ້ໂຄງການໃຫ້ເອົາໃຈໃສ່ໃນການປະຕິບັດມາດຕະຖານເຕັກນິກຂອງໂຄງການໃຫ້ມີຄວາມເປັນເອກະພາບ ເພື່ອຮັບປະກັນດ້ານຄຸນນະພາບ ແລະ ປະສິດທິຜົນຂອງໂຄງການໃນໄລຍາວ, ປະກອບສ່ວນອັນສຳຄັນໃນການພັດທະນາເສດຖະກິດ-ສັງຄົມຂອງຊາດ.
ນັບແຕ່ນັບແຕ່ເດືອນ ທັນວາ 2021 ຈົນຮອດ ເດືອນ ກັນຍາ 2023 ການຂົນສົ່ງສິນຄ້າ ຜ່ານທາງລົດໄຟລາວ-ຈີນ ບັນລຸ 500 ລ້ານກວ່າໂຕນ, ໃນນີ້ການຂົ່ນສົ່ງແຮ່ທາດຕ່າງໆ (ແຮ່ຫລັກ, ແຮ່ທອງ, ແຮ່ທາດຫາຍາກ, ແຮ່ຊືນ, ແຮ່ສັງກາສີ, ແຮ່ບາລິດ, ແຮ່ຝູອໍຣາຍ ແລະ ເກືອໂປຕາດ) ມິເຖິງ 4 ລ້ານໂຕນ, ສະເລ່ຍແລ້ວມື້ໜຶ່ງສົ່ງສິນຄ້າ ປະມານ 8.000 ໂຕນ ລວມມີສິນຄ້າປະເພດ ໝາກໄມ້, ແປ້ງມັນຕົ້ນ, ໝາກເດືອຍ, ຢ່າງພາລາ, ແຮ່ທາດ, ຫີນບາໂບ ແລະ ສິນຄ້ານໍາເຂົ້າຈາກຈີນ ມີ 8 ແສນໂຕນ, ຂົ່ນສົ່ງພາຍໃນ ສປປ ລາວ ມີ 50.000 ໂຕນ.
