ຊັກເຄື່ອງຮວມໃສ່ກັນລະວັງເຊື້ອພະຍາດ

ຈະໝັ້ນໃຈໄດ້ແນວໃດວ່າເຄື່ອງນຸ່ງທີ່ທ່ານຫາກໍຊັກມາໃໝ່ໆ ແລະ ຍັງຫອມຢູ່ນັ້ນປາສະຈາກເຊື້ອພະຍາດ ?

ຜົນການວິໄຈຫລ້າສຸດຂອງ ລີຊາ ແອັກເຄີເລ ຜູ້ຊ່ຽວຊານດ້ານຄວາມປອດໄພດ້ານສຸຂະອະນາໄມຂອງອັງກິດ ສະແດງໃຫ້ເຫັນວ່າ : ການເອົາເຄື່ອງທຸກຊະນິດ ນັບແຕ່ເສື້ອ, ໂສ້ງ, ຖົງຕີນ, ເສື້ອຊ້ອນໃນ, ໂສ້ງຊ້ອນໃນ ຫລື ແມ່ນແຕ່ຜ້າເຊັດມືມາຊັກຮວມໃສ່ກັນຍ້ອນຄິດວ່າຢາກປະຢັດນຳ້ ແລະ ພະລັງງານນັ້ນ ອາດເປັນບໍ່ເກີດແຫ່ງສາລະພັດພະຍາດຢ່າງບໍ່ໜ້າເຊື່ອ ເຊິ່ງ ລີຊາ ໃຫ້ເຫດຜົນວ່າ : ການຊັກເຄື່ອງນັ້ນເຖິງວ່າຈະເຮັດໃຫ້ມັນສະອາດກໍຕາມ, ແຕ່ກໍອາດບໍ່ຖືກລັກສະນະ ເນື່ອງຈາກວ່າຍັງຄົງມີການແຜ່ກະຈາຍຂອງເຊື້ອພະຍາດ ໂດຍສະເພາະແມ່ນພາຍຫລັງທີ່ມີການປຸກລະດົມໃຫ້ຫລຸດປະລິມານການໃຊ້ນຳ້, ອຸນຫະພູມການ   ຊັກ ແລະ ຫລຸດການໃຊ້ສະບູຝຸ່ນ ເພື່ອຫລຸດຜົນກະທົບຕໍ່ສິ່ງແວດລ້ອມ, ແຕ່ວ່າມັນອາດກາຍເປັນໂຕການຂອງວົງຈອນລະບາດເຊື້ອ ພະຍາດທີ່ຈະສົ່ງຜົນຕໍ່ສຸຂະພາບຂອງຄົນເຮົາໄດ້.