ເຮືອບິນນຳທ່ຽວຂະໜາດນ້ອຍຕົກ ຢູ່ລັດອາມາໂຊນາ ປະເທດບຣາຊິວ ເສຍຊີວິດ 14 ຄົນ
ສຳນັກຂ່າວໂທລະພາບຊ່ອງ 7 ຂອງໄທ ລາຍງານວັນທີ 18 ກັນຍາ 2023 ວ່າ: ເຈົ້າໜ້າທີ່ຮັກສາຄວາມປອດໄພຈາກລັດ Amazonas ປະເທດບຣາຊິວ ຖະແຫລ່ງກ່ຽວກັບເຫດການເຮືອບິນນ້ອຍຕົກ ຢູ່ເມືອງທ່ອງທ່ຽວທີ່ມີຊື່ສຽງໃນລັດ Amazonas ໃນຄືນວັນເສົາທີ 16 ກັນຍາ 2023 ວ່າ: ຢູ່ໃນເຮືອບິນລຳດັ່ງກ່າວມີຜູ້ໂດຍສານທັງໝົດ 14 ຄົນ ເສຍຊີວິດທັງໝົດ, ໃນນັ້ນ ມີຜູ້ໂດຍສານ 12 ຄົນ ແລະ ນັກບິນ 2 ຄົນ.
ເຈົ້າໜ້າທີ່ໄດ້ເປີດເຜີຍວ່າ: ເຮືອບິນຂະໜາດນ້ອຍລຳນີ້ເປັນຍົນ EMB-110 ມີສອງເຄື່ອງຈັກຕິດໃບພັດ ຂອງບໍລິສັດ Embraer ຊຶ່ງເປັນຜູ້ຜະລິດເຮືອບິນຂອງບຣາຊິວ ກ່ອນເກີດອຸບັດຕິເຫດເຮືອບິນລຳດັ່ງກ່າວພະຍາຍາມລົງຈອດໃນສະພາບອາກາດທີ່ບໍ່ດີຈາກພາຍຸຝົນທີ່ຮຸນແຮງ ເຮັດໃຫ້ເຮືອບິນເລື່ອນອອກຈາກທາງແລ່ນ ຂອງສະຫນາມບິນໃນເມືອງ
ຂະນະດຽວກັນເຈົ້າໜ້າທີ່ໄດ້ລະບຸວ່າ: ກຳລັງເລັ່ງສືບສວນສອບສວນຫາສາເຫດໃຫ້ຊັດເຈນວ່າເຮືອບິນລຳດັ່ງກ່າວຕົກຄັ້ງນີ້ ເກີດຈາກສາເຫດໃດ
ອ້າງອີງຈາກ:
https://www.ch7.com/amp/672068
https://www.thairath.co.th/news/foreign/2725775
