ປີ 2024 ນະຄອນຫລວງວຽງຈັນຈະມີສະຖານທີ່ທ່ອງທ່ຽວໃໝ່ອີກ 2 ແຫ່ງ

ສ່ວນອີກໜຶ່ງສະຖານທີ່ແມ່ນ ໂຄງການພິພິທະພັນສີລະປະລາວຮ່ວມສະໄໝ ໂດຍສະເພາະໄມ້ແກະສະຫລັກ ທີ່ພວມຂຸ້ນຂຽວປັບປຸງ ຫລື ສ້າງພິພິທະພັນ ເຊິ່ງຕັ້ງຢູ່ບ້ານໂນນສະອາດ ເມືອງໄຊທານີ ນະຄອນຫລວງວຽງຈັນ, ມີເນື້ອທີ່ 80 ເຮັກຕາ, ປະກອບມີອາຄານນໍາສະເໜີຂໍ້ມູນກ່ຽວກັບຫໍພິພິທະພັນ, ອາຄານຕ້ອນຮັບ, ອາຄານວາງສະແດງງານສີລະປະ-ວັດທະນະທໍາຕາມເທດສະການຕ່າງໆ, ຫ້ອງໂຖງພັກຜ່ອນຊົມທິວທັດ, ອາຄານອະເນກປະສົງ, ອາຄານສະແດງງານສິລະປະໄມ້ແກະສະຫລັກ ແລະ ຮູບແຕ້ມ, ຮ້ານຂາຍເຄື່ອງທີ່ລະນຶກ, ໂຮງແຮມ, ລີສອດ, ອາຄານວາງສະແດງສິນຄ້າ, ຮ້ານອາຫານ, ເຄື່ອງດື່ມ, ນໍ້າຕົກຈໍາລອງ ແລະ ອື່ນໆ. ໃນນີ້ ຈະມີຜະລິດຕະພັນໄມ້ 30.000 ກວ່າຊະນິດຈັດວາງສະແດງເພື່ອໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າຊົມ. ປັດຈຸບັນ ເຈົ້າຂອງກິດຈະການພວມເລັ່ງພັດທະນາໂຄງການຢ່າງຕໍ່ເນື່ອງ ຄາດວ່າພາຍໃນເດືອນເມສາ ປີ 2024 ຈະເປີດບໍລິການນັກທ່ອງທ່ຽວຢ່າງເປັນທາງການ ແລະ ຈະເປັນສະຖານທີ່ທ່ອງທ່ຽວແຫ່ງໃໝ່ທີ່ໂດດເດັ່ນໃນນະຄອນຫລວງ.