ໄລຍະ 5 ເດືອນ ມຽນມາ ສ້າງລາຍໄດ້ຈາກການສົ່ງອອກສິນຄ້າກະສິກຳ ຫຼາຍກວ່າ 1,2 ຕື້ໂດລາ

ສຳນັກຂ່າວຊິນຮົວ ລາຍງານວັນທີ 6 ກັນຍາ 2023 ຜ່ານມານີ້ວ່າ:  ກະຊວງການຄ້າມຽນມາໄດ້ເປີດເຜີຍບົດລາຍງານ ກ່ຽວກັບມຽນມາ ໄລຍະເກືອບ 5 ເດືອນ (1 ເມສາ – 25 ສິງຫາ) ສາມາດສ້າງລາຍໄດ້ຈາກການສົ່ງອອກສິນຄ້າກະສິກຳໃນ ຂອງສົກປີງົບປະມານ 2023-2024 ຫຼາຍກວ່າ 1,28 ຕື້ໂດລາ.

ລາຍໄດ້ຈາກການສົ່ງອອກສິນຄ້າກະສິກຳຂອງມຽນມາໃນໄລຍະເວລາດັ່ງກ່າວຫຼຸດລົງຫຼາຍກວ່າ 1,45 ຕື້ໂດລາ ໃນໄລຍະເວລາດຽວກັນຂອງສົກປີງົບປະມານທີ່ຜ່ານມາ. ມຽນມາສົ່ງອອກສິນຄ້າກະສິກຳທີ່ຜະລິດຈາກສັດ ແລະ ທະເລ, ແຮ່ທາດ, ຜະລິດຕະພັນຈາກປ່າ ແລະ ສິນຄ້າອຸດສາຫະກຳໄປຍັງຄູ່ຄ້າຕ່າງປະເທດເຊັ່ນ: ຈີນ, ໄທ, ບັງກລາເທດ ແລະ ອິນເດຍ.

ອີກຢ່າງໜຶ່ງ, ມຽນມາສາມາດສ້າງລາຍໄດ້ຈາກການສົ່ງອອກທັງໝົດໃນໄລຍະເວລາເກືອບ 5 ເດືອນທຳອິດຂອງສົກປີງົບປະມານ 2023-2024 ຫຼາຍກວ່າ 6,16 ຕື້ໂດລາ.