ປກສ ເມືອງສິງ ມອບລົດທີ່ລັກລອບນຳເຂົ້າບໍ່ຖືກຕ້ອງໃຫ້ ເຈົ້າໜ້າທີ່ພາສີ ແຂວງຫລວງນ້ຳທາ

ປກສ ແຂວງຫລວງນ້ຳທາ ລາຍງານ ວັນທີ 31 ສິງຫາ 2023, ບັນຫາການລັກລອບນໍາເຂົ້າ ແລະ ນໍາໃຊ້ລົດທີ່ບໍ່ຖືກຕ້ອງ ບໍ່ມີເອກະສານ ຫລື ລົດເຖື່ອນ ຍັງເກີດຂຶ້ນຢູ່ຫລາຍໃນກາງເດືອນ ສິງຫາ 2023 ຜ່ານມານີ້ ເຈົ້າໜ້າທີ່ໜ່ວຍງານສືບສວນ-ສອບສວນຄະດີອາຍາ ແລະ ເສດຖະກິດ ພະແນກຕຳຫລວດ ກອງບັນຊາການ ປກສ ເມືອງສິງ ມອບລົດໃຫ່ຍ ຟໍຈູນເນີ ສີຂາວ ບໍ່ມີປ້າຍທະບຽນ ເຊິ່ງແມ່ນລົດທີ່ລັກລອບນຳເຂົ້າແບບບໍ່ຖືກຕ້ອງ ໃຫ້ເຈົ້າໜ້າທີ່ພາສີປະຈຳ ແຂວງຫລວງນ້ຳທາ ທີ່ຢຶດໄດ້ຈາກທ້າວ ລໍເອີ ອາຍຸ 39 ປີ ຢູ່ບ້ານດອນແຍງ ເມືອງລອງ ແຂວງຫລວງນ້ຳທາ ເຊິ່ງຜູ້ກ່ຽວໄດ້ຕິດຕໍ່ພົວພັນຊື້-ຂາຍ ລົດຜ່ານທາງເຟສບຸກ ເພື່ອມານຳໃຊ້ພາຍໃນຄອບຄົວ.