ຮອງລັດຖະມົນຕີກະຊວງ ປກສ ເນັ້ນໃຫ້ແຂວງຈຳປາສັກ ແກ້ໄຂປາກົດການຫຍໍ້ທໍ້ໃຫ້ຫລຸດລົງ

ວັນທີ 28 ສິງຫາ 2023, ທ່ານ ພົທ ກົງທອງ ພົງວິຈິດ ຮອງລັດຖະມົນຕີກະຊວງ ປກສ ພ້ອມຄະນະ ລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ ປກສ ແຂວງຈຳປາສັກ, ໂດຍໄດ້ຟັງການລາຍງານສະ ພາບປາກົດການຫຍໍ້ທໍ້ພາຍໃນແຂວງ ທີ່ບາງບັນຫາກໍມີທ່າອ່ຽງເພີ່ມຂຶ້ນ ເປັນຕົ້ນແມ່ນ: ຂໍ້ຂັດແຍ່ງບັນຫາທີ່ດິນ, ການແຕ່ງດອງຂອງຄົນຕ່າງປະເທດ, ການລັກລອບໄປອອກແຮງງານຂອງຊາວໜຸ່ມ-ໄວໜຸ່ມຢູ່ປະເທດເພື່ອນບ້ານ, ການຄ້າ-ຂາຍເຖື່ອນຢູ່ຕາມຊາຍແດນ ແລະ ຫາງສຽງຂອງສັງຄົມຕໍ່ການເກັບຄ່າທາງ, ການຄາຕະກຳ, ອຸບັດຕິເຫດຕາມທ້ອງຖະໜົນ, ບັນຫາການຄ້າ ແລະ ບັນຫາລັກຊັບ, ຊິງຊັບ ແລະ ຢາເສບຕິດ.

ທ່ານຮອງລັດຖະມົນຕີກະຊວງ ປກສ ໄດ້ໃຫ້ທິດຊີ້ນຳ ແລະ ເນັ້ນໃຫ້ຄະນະພັກ-ຄະນະບັນຊາແຕ່ລະຂັນ ພ້ອມກັນເຄື່ອນໄຫວນຳພາ-ຊີ້ນຳຢ່າງເຂັ້ມງວດຕໍ່ວຽກງານປ້ອງກັນຄວາມສະຫງົບ, ແກ້ໄຂປາກົດການຫຍໍ້ທໍ້ ຕິດພັນກັບການຈັດຕັ້ງວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ, ແຂວງຈຳປາສັກ ເປັນເສັ້ນທາງຜ່ານ ຫລື ແຂວງປາຍທາງທີ່ກຸ່ມຄົນບໍ່ດີລັກລອບຂົນສົ່ງ ນຳເຂົ້າ-ສົ່ງອອກ ຢາເສບຕິດ, ຕິດຕາມກວດກາ, ສະກັດກັ້ນອັດປ່ອງຂ້າມລອຍ ເພື່ອຮັບປະກັນໃຫ້ແຂວງຈຳປາສັກ ມີຄວາມສະຫງົບປອດໄພ ແລະ ເຮັດໃຫ້ປະກົດການຫຍໍ້ຕ່າງໆພາຍໃນແຂວງໃຫ້ຫລຸດລົງເທື່ອລະກ້າວ.