Apple ຂະຫຍາຍຂະໜາດສູງສຸດຂອງແອັບ ທີ່ດາວໂຫຼດຜ່ານ Cellular ໃຫ້ໃຫຍ່ກວ່າເກົ່າ

ໃນການປ່ອຍອັບເດດ ISO 11 ຂອງ Apple ທາງ Apple ໄດ້ປະກາດຂະຫຍາຍຂະໜາດຂອງແອັບ ທີ່ສາມາດດາວໂຫຼດຜ່ານເຄືອຂ່າຍ Cellular (ໝາຍເຖິງການດາວໂຫຼດດ້ວຍ 3G/4G) ຈາກແຕ່ກ່ອນ 100 MB  ເປັນ 150 MB.

​ເຊິ່ງແຕ່ກ່ອນຫາກເຮົາຕ້ອງການດາວໂຫຼດແອັບ ທີ່ມີຂະໜາດເກີນກວ່າ 100 MB ລະບົບຈະໃຫ້ເຮົາດາວໂຫຼດຜ່ານ Wi-Fi ເທົ່ານັ້ນ ແຕ່ໃນການປັບປຸງຄັ້ງຫລ້າສຸດ ເຮົາຈະດາວໂຫຼດດ້ວຍ Cellular ໄດ້ເຖິງ 150 MB ແລ້ວ.

ເບິ່ງກັບໄປໃນອະດີດ App Store ໃນຍຸກທໍາອິດ ການດາວໂຫຼດແອັບ ແບບ OTA ຜ່ານ Cellular ເຮັດໄດ້ພຽງ 20 MB ຈົນເຖິງປີ 2012 ກໍໄດ້ປັບເປັນ 50 MB ແລະ ມີການປັບອີກຄັ້ງໃນປີ 2013 ໃຫ້ເປັນ 100 MB ມາຮອດປັນຈຸບັນ ແລະ ຈະມີການປັບອີກຄັ້ງໃຫ້ເປັນ 150 MB. ດັ່ງນັ້ນ ຄົນທີ່ມີປະລິມານ 3G/4G ທີ່ໃຊ້ໄດ້ຕໍ່ເດືອນຕໍ່າ ແນະນໍາໃຫ້ອັບເດດຜ່ານ Wi-Fi ຄືເກົ່າ.