ຮາແລນ ຍິງສອງປະຕູ ພາ ແມນຊິຕີ້ ຖະຫລົ່ມ ມາຣິນອສ 5-3 ເກມປຣີຊີຊັນ ທີ່ຍີ່ປຸ່ນ ຄວ້າ MVP ຮັບເງິນ 1 ລ້ານເຢນ

ເອີລິງ ຮາແລນ ກອງໜ້າ ອາຍຸ 23 ປີ ຂອງ ແມນເຊັສເຕີ ຊິຕີ້ ຄວ້າລາງວັນ Man Of The Match ພ້ອມກັບເງິນລາງວັນ 1 ລ້ານເຢນ ໃນເກມນັດມິດຕະພາບກ່ອນລະດູການຂອງສະໂມສອນ ເອົາຊະນະ ໂຢໂກຮາມາ ເອຟ ມາຣິນອສ ແຊ້ມ J-League ຫລ່າສຸດ ທີ່​ປະ​ເທດ​ຍີ່​ປຸ່ນ, ໄປ 5-3 ວັນ​ທີ 23 ເດືອນ​ກໍ​ລະ​ກົດ.

ຫລັງ​ຈາກ​ທີ່​ລົງາເປັນຕົວສຳຮອງ​ໃນ​ເຄິ່ງ​ທີ່​ສອງ​ຂອງ​ເກມ​ນີ້​ ຈາກນັ້ນເໝົາຄົນດຽວ 2 ປະຕູ, ຊ່ວຍໃຫ້ ແມນຊິຕີ້ ເອົາຊະນະ ໂຢໂກຮາມາ ເອຟ ມາຣິນອສ ໄດ້ສຳເລັດ, ຈາກທີ່ທັງສອງທີມສະເໝີກັນ 2-2 ໃນເຄິ່ງເວລາທຳອິດ.

ແມນເຊັສເຕີ ຊິຕີ້ ຈະລົງແຂ່ງຂັນນັດມິດຕະພາບຄັ້ງຕໍ່ໄປກັບ ບາເຢິນ ມິວນິກ ທີ່ປະເທດຍີ່ປຸ່ນ ໃນວັນທີ 26 ກໍລະກົດ ແລະ ບິນໄປເກົາຫລີໃຕ້. ເພື່ອລົງຫລິ້ນເກມອຸ່ນເຄື່ອງກັບ ແອັດເລຕິໂກ ມາດຣິດ ໃນວັນທີ 30 ກໍລະກົດ.