“ອຳສະເຕີດຳ” ປະເທດເນເທີແລນ ປິດຮັບເຮືອສຳລານ ຈຳກັດນັກທ່ອງທ່ຽວ ແລະ ຫລຸດຜ່ອນມົນລະພິດ

ສະພາທ້ອງຖິ່ນກຸງອຳສະເຕີດຳຂອງປະເທດເນເທີແລນ ສັ່ງຫ້າມເຮືອສຳລານເຂົ້າເມືອງ ເພື່ອຈຳກັດຈຳນວນນັກທ່ອງທ່ຽວ ແລະ ຄວບຄຸມມົນລະພິດ.

ການເຄື່ອນໄຫວດັ່ງກ່າວສົ່ງຜົນໃຫ້ທ່າເຮືອສຳລານກາງ ຢູ່ແມ່ນ້ຳໄອເຈ (River IJ) ໃກ້ກັບສະຖານີລົດໄຟຫລັກໃນກຸງອຳສະເຕີດຳຂອງເນເທີແລນ ຈະຕ້ອງປິດການໃຫ້ບໍລິການ, ຖືເປັນມາດຕະການຫລ້າສຸດໃນການຫລຸດຈຳນວນນັກທ່ອງທ່ຽວໃນເມືອງ ແລະ ຫລຸດມົນລະພິດ.

ດ້ານນັກການເມືອງເນເທີແລນລະບຸວ່າ: ເຮືອສຳລານເຫລົ່ານີ້ບໍ່ສອດຄ່ອງກັບແນວທາງຄວາມຍືນຍົງຂອງເມືອງ ແລະ ບໍ່ສອດຄ່ອງກັບແຜນການສ້າວຂົວໃໝ່ເຊື່ອມຈອດລະຫວ່າງຍ່ານປະຫວັດສາດທາງພາກໃຕ້ຂອງເມືອງ ແລະ ເຂດນອດ ຈຸດສູນລລມໂຄງການພັດທະນາຫລ້າສຸດ.

ເຮືອສຳລານກາຍເປັນສັນຍາລັກຂອງບັນຫາພາວະນັກທ່ອງທ່ຽວລົ້ນເມືອງ (Overtourism) ເຊິ່ງສະຖານະການທີ່ມີນັກທ່ອງທ່ຽວຈຳນວນຫລາຍ ແລະ ລົມຕົວຫລາຍນຈົນເກີນຄວາມສາມາດໃນການຮອງຮັບຂອງແຫລ່ງທ່ອງທ່ຽວ.

ເຖິງຢ່າງໃດກໍຕາມ, ກຸງອຳສະເຕີດຳ ເປັນເມືອງທ່ອງທ່ຽວທີ່ມີຊື່ສຽງ ແລະ ເປັນຈຸດໝາຍປາຍທາງຍອດນິຍົມ ດຶງດູດຜູ້ຄົນເຖິງປີລະ 20 ລ້ານຄົນ.