6 ເດືອນຕົ້ນປີ 2023 ພາສີແຂວງຄໍາມ່ວນ ຈັດເກັບລາຍຮັບເຂົ້າງົບປະມານ 442 ຕື້ກວ່າກີບ ແລະ ຄາດວ່າທ້າຍປີ ຈະບັນລຸ 100% ຂອງແຜນການ

ວັນທີ 19 ກໍລະກົດ 2023 ຜ່ານມາ, ທ່ານ ສົມພົງ ເກສານີຈັນ ຮອງຫົວໜ້າພາສີປະຈຳ ແຂວງຄຳມ່ວນ ລາຍງານໃຫ້ຮູ້ວ່າ: ປີ 2023 ໄດ້ຮັບຕົວເລກແຜນການຈັດເກັບລາຍຮັບເຂົ້າງົບປະມານທັງໝົດ 788 ຕື້ກີບ, ສະເພາະແຜນຈັດເກັບລາຍຮັບ 6 ເດືອນຕົ້ນປີ 488 ຕື້ກວ່າກີບ, ແຕ່ປະຕິບັດໄດ້ແລ້ວ 442 ຕື້ກວ່າກີບ ແລະ ຄາດຄະເນວ່າໃນ 6 ເດືອນທ້າຍປີ ອາດຈະໄດ້ 100% ຂອງແຜນການປີ 788 ຕື້ກີບ.
ເພື່ອເຮັດໃຫ້ການຈັດເກັບລາຍຮັບໃນ 6 ເດືອນ ທ້າຍປີ 2023 ກໍຄືທິດທາງແຜນການປະຈໍາປີ 2023 ໄດ້ບັນລຸຜົນສໍາເລັດຕາມແຜນການທີ່ວາງໄວ້, ທາງພາສີປະຈຳ ແຂວງຄຳມ່ວນ ຈະສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດບັນດານິຕິກຳ, ລະບຽບກົດໝາຍ ທີ່ຂັ້ນເທິງວາງອອກ,ສຶກສາອົບຮົມທາງດ້ານການເມືອງ-ແນວຄິດໃຫ້ສະມາຊິກພັກ-ພະນັກງານ ທີ່ຢູ່ໃນຄວາມຮັບຜິດ ຊອບຢ່າງເປັນປົກກະຕິ, ທົ່ວເຖິງ ແລະ ຕໍ່ເນື່ອງ, ມີຄວາມຮັບຜິດ ຊອບຕໍ່ການປະຕິບັດໜ້າທີ່, ແບ່ງງານກັນຢ່າງລະອຽດ, ຊັດເຈນ ແລະ ປະຕິບັດລະບົບສ່ອງແສງລາຍງານ ເປັນປົກກະຕິ, ຄຸ້ມຄອງຕິດຕາມ, ກວດກາ ການປະຕິບັດໜ້າທີ່ວິຊາສະເພາະຂອງພະນັກງານ ໃຫ້ຖືກຕ້ອງຕາມລະບຽບກົດໝາຍ, ຕິດຕາມກວດກາ ແລະ ຄຸ້ມຄອງການ ນຳເຂົ້າ-ສົ່ງອອກ ສິນຄ້າເຄື່ອງຂອງ ຜ່ານດ່ານຊາຍແດນ ໃຫ້ມີຄວາມເຂັ້ມງວດ, ປັບປຸງແບບແຜນວິທີເຮັດວຽກໃຫ້ກະທັດຮັດ, ສອດຄ່ອງຕາມລະບຽບກົດໝາຍ, ຫລຸດຜ່ອນຂັ້ນຕອນຕ່າງໆທີ່ບໍ່ຈຳເປັນລົງ ເພື່ອສ້າງຄວາມສະດວກໃຫ້ແກ່ການ ນຳເຂົ້າ-ສົ່ງອອກ ສິນຄ້າ, ຕ້ານສະກັດກັ້ນການຮົ່ວໄຫຼຂອງລາຍຮັບ ແລະ ຄຸ້ມຄອງດ້ານມູນຄ່າແຈ້ງພາສີ, ໂດຍນໍາໃຊ້ລະບົບເອເລັກໂຕຼນິກໃນການຈັດເກັບລາຍຮັບ ແລະ ສ້າງສິ່ງອໍານວຍຄວາມສະດວກຕ່າງໆ ເພື່ອເກັບພັນທະໃຫ້ຖືກຕ້ອງຄົບຖ້ວນ ແລະ ທັນຕາມກໍານົດເວລາ,