ອັງເດຣ ໂອນານາ ສັນຍານທີ່ຊັດເຈນໃນຍຸກໃຫມ່ຂອງ ເອຣິກ ເທນຮາກ ແລະ ແມນຢູ

ໜຶ່ງໃນສັນຍານທີ່ຊັດເຈນທີ່ສຸດໃນການປ່ຽນເຄື່ອງໃໝ່ຂອງ ເອຣິກ ເທນຮາກ ຜູ້ຈັດການທີມ ແມນເຊັສເຕີ ຢູໄນເຕັດ ສະໂມສອນຍັກໃຫຍ່ຈາກ ພຣີເມຍລີກ ອັງກິດ ດ້ວຍການເລີ່ມລະດູການ 2023-2024 ກັບຜູ້ຮັກສາປະຕູຄົນໃໝ່ທີ່ບໍ່ແມ່ນ ດາວິດ ເດ ເກອາ.

ຫລັງຈາກທີ່ຮັບໃຊ້ຢູ່ ແມນເຊັສເຕີ ຢູໄນເຕັດ ເປັນເວລາ 12 ປີເຕັມ, ເດ ເກອ ໄດ້ອຳລາສະໂມສອນຫລັງຈາກສັນຍາຂອງລາວຫມົດລົງ. ພ້ອມຝາກສະຖິຕິລົງເຝົ້າເສົາ ລວມເຖິງ 545 ນັດໃນທຸກການແຂ່ງຂັນ, ຮັກສາການບໍ່ເສຍປະຕູ 190 ນັດ ແລະ ຄວ້າລາງວັນ ຖົງມືທອງຄຳ ລະດູການ 2022-2023.

ຂະນະດຽວກັນ, ໃນເກມນັດເປີດສະໜາມທີ່ ແມນເຊັສເຕີ ຢູໄນເຕັດ ຈະເປີດຮັງ ໂອແທຣັບຟອດ ເພື່ອຮັບການມາຢາມຂອງ ວູຟແຮັມຕັນ ວັນທີ 14 ສິງຫານີ້ ຜູ້ຮັກສາປະຕູຕົວຈິງຂອງ “ຜີສາດແດງ” ແມ່ນ ອັງເດຣ ໂອນານາ ຜູ້ຮັກສາປະຕູຊາວ ແຄມເມີຣູນ ທີ່ຍ້າຍມາຈາກ ອິນເຕີ ມິລານ ດ້ວຍຄ່າຕົວ 47 ລ້ານປອນ.

ໃນອາຍຸ 27 ປີ, ໂອນານາ ກໍາລັງເຂົ້າສູ່ໄລຍະທີ່ສໍາຄັນໃນການເປັນຜູ້ຮັກສາປະຕູ. ລາວມີປະສົບການສາກົນຫລາຍ, ລວມທັງການແຂ່ງຂັນທີ່ສໍາຄັນ. ແລະ ຍັງປະສົບຜົນສຳເລັດດ້ວຍການຄວ້າແຊ້ມຫລາຍລາຍການຕະຫລອດອາຊີບຂອງຕົນ.