ຈະມີຝົນຕົກທົ່ວທຸກແຂວງຂອງລາວ ປົກຄຸມ 50-70% ຂອງພື້ນທີ່ຈົນເຖິງ 12 ໂມງ ວັນທີ 21 ກໍລະກົດ 2023

ກົມອຸຕຸນິຍົມ ແລະ ອຸທົກກະສາດ ລາຍງານ ສະພາບອາກາດທົ່ວໄປ ປະຈໍາວັນທີ 20 ກໍລະກົດ 2023, ເວລາ 12 ໂມງ 00ນີ້ວ່າ: ຮ່ອງຄວາມກົດດັນອາກາດຕໍ່າ ຫຼື ຮ່ອງຝົນໄດ້ພາດຜ່ານພາກເໜືອດ້ານຕາເວັນຕົກ ລົງຫາ ພາກກາງຂອງປະເທດລາວ ແລະ ສົມທົບ ກັບກະແສລົມມໍລະສຸມຕາເວັນຕົກສຽງໃຕ້ພັດປົກຄຸມເຂດດ້ວຍກໍາລັງອ່ອນ ເຊິ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ໃນແຕ່ລະພາກ ແລະ ຕົກປານກາງ ຫາ ຫນັກຢູ່ບາງທ້ອງຖິ່ນ.

ພະຍາກອນອາກາດແຕ່ເວລາ 12 ໂມງ ຂອງວັນທີ 20/07/2023 ເຖິງເວລາ 12 ໂມງຂອງວັນທີ 21/07/2023

ພາກເໜືອດ້ານຕາເວັນອອກ: ມີເຝື້ອປົກຄຸມເປັນສ່ວນຫຼາຍ ແລະ ມີຝົນຕົກຟ້າຮ້ອງຟ້າເຫຼື້ອມ ໃນລະດັບຄ່ອຍ ຫຼື ເນື້ອທີ່ປົກຫຸ້ມຂອງຝົນເທົ່າ 60 ເປີເຊັນຂອງພາກ. ອຸນຫະພູມໃນ ລະຫວ່າງ 19 – 28 ອົງສາ.

ພາກເໜືອດ້ານຕາເວັນຕົກ: ມີເຝື້ອປົກຄຸມເປັນສ່ວນຫຼາຍ ແລະ ມີຝົນຕົກຟ້າຮ້ອງຟ້າເຫຼື້ອມໃນ ລະດັບຄ່ອຍຢູ່ເກືອບທົ່ວໄປ ແລະ ຕົກປານກາງ ຫາ ຫນັກພ້ອມມີລົມພັດແຮງຢູ່ບາງທ້ອງຖິ່ນ ແຂວງອຸດົມໄຊ, ບໍ່ແກ້ວ ແລະ ໄຊຍະບູລີ ຫຼື ເນື້ອທີ່ປົກຫຸ້ມຂອງຝົນເທົ່າ 70 ເປີເຊັນຂອງ ພາກ. ອຸນຫະພູມໃນລະຫວ່າງ 22 – 32 ອົງສາ.

ນະຄອນຫຼວງວຽງຈັນ: ມີເຝື້ອປົກຄຸມເປັນສ່ວນຫຼາຍ ແລະ ມີຝົນຕົກຟ້າຮ້ອງຟ້າເຫຼື້ອມໃນ ລະດັບຄ່ອຍ ຫຼື ເນື້ອທີ່ປົກຫຸ້ມຂອງຝົນເທົ່າ 60 ເປີເຊັນ. ອຸນຫະພູມໃນລະຫວ່າງ 25 – 32 ອົງສາ.

ພາກກາງ: ມີເຝື້ອປົກຄຸມເປັນສ່ວນຫຼາຍ ແລະ ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງຢູ່ບາງທ້ອງຖິ່ນ ຫຼື ເນື້ອທີ່ປົກຫຸ້ມຂອງຝົນເທົ່າກັບ 50 ເປີເຊັນ ຂອງພາກ. ອຸນຫະພູມໃນລະຫວ່າງ 23 – 34 ອົງສາ.

ແຂວງໄຊສົມບູນ: ຈະມີຝົນຕົກໃນລະດັບຄ່ອຍ ຫາ ປານກາງ ຫຼື ເນື້ອທີ່ປົກຫຸ້ມຂອງຝົນເທົ່າ ກັບ 60 ເປີເຊັນ. ອຸນຫະພູມໃນລະຫວ່າງ 20 – 28 ອົງສາ.

ພາກໃຕ້: ມີເຝື້ອປົກຄຸມເປັນບາງສ່ວນ ແລະ ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ ຫຼື ເນື້ອທີ່ປົກຫຸ້ມຂອງຝົນ ເທົ່າກັບ 50 ເປີເຊັນ ຂອງພາກ. ອຸນຫະພູມໃນລະຫວ່າງ 24 – 33 ອົງສາ. ສໍາລັບ ເຂດພູພຽງບໍລະເວນ: ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງ ຫຼື ເນືອທີ່ປົກຫຸ້ມຂອງຝົນເທົ່າກັບ 50 ເປີເຊັນ. ອຸນຫະພູມໃນລະຫວ່າງ 18 – 26 ອົງສາ.